DILI, STLTIMORLESTE.com – Primeiru Ministru Kay Rala Xanana hatete, 12 Novembru loron neebe importante, tanba nee husu povu hakruuk ba eroi sira neebe barani halo demostrasaun too hetan masakre iha 12 Novembru.
Primeiru Ministru Kay Rala Xanana Gusmão hatoo kestaun nee liu husi Um Minutu iha eventu lansamentu dahuluk asaun karitativa no konsulta jeral ba komunidade sira iha Suku Balibar, Sabadu (09/11/2024).
Primeiru Ministru hatete, iha loron Tersa agora sei selebra loron 12 Novembru, loron neebe mak importante hodi hanoin eroi sira nia luta hodi fo aan ba mate hodi lori povu no rai nee ba hetan ukun rasik aan hodi hamriik mesak hanesan nasaun demokratiko, tanba husu povu nafatin hakruuk ba heroi hotu.
“Tersa nee ita sei hakruuk ba ita nia oan sira neebe ho brani tebes halo manifestasaun husi igreza Motael atu mai Santa Kruz hodi hetan masakre santa Kruz 12 Novembru, nee duni ita hakruuk ba sira, husu ba Maromak lori sira ba fatin neebe los, nunee sira mos tulun nafatin ita tanba ho sira nia terus, ho sira nia ran mak ita sosa ukun aan nee nomos ita bele hetan osan oituan hodi hadia povu nia moris,” katak Xanana.
Primeiru Ministru hatete, ho heroi sira nia sakrifiu fakar ran no ruin mak Timor Leste hodi hetan ukun aan hodi hetan osan hadia rai nee tanba nee, tanba nee PM Xanana mos hamulak nafatin ba Matebian sira hodi tulun nafatin povu no lider ida nee bele lori rai nee bao in tuir eroi sira nia mehi.
Iha biban nee, PM Xanana mos husu ba militante no kuadru partidu nomos membru Governu nomos funsionariu sira hotu atu nafatin serbisu ho profisional nunee bele lori povu no rai nee ba oin ho diak, tanba rai nee hetan ukun aan, tanba hetan sakrifisiu husi eroi sira neebe fakar ran no ruin mak lori sosa ukun rasik aan.
(eme)
