DILI, STLTIMORLESTE.com – Primeiru Ministru (PM), Kay Rala Xanana Gusmão hatete, Governu buka kria banku hodi dudu feto sira iha kbiit atu promove produtu lokal.
Primeiru Ministru Kay Rala Xanana Gusmão hatoo lia hirak nee ba jornalista sira, bainhira remata halo enkontru semanal ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Kinta (06/03/2025).
Primeiru Ministru dehan, agora daudaun buka hela oinsa mak promove ai-haan iha rai laran, karik Prezidente Republika atu promove ba rai liur tenke aprezenta osan nunee bele halo promosaun iha rai liur.
“Atan oan hau nuudar Primeiru Ministru buka daudaun nusa mak promove rai laran hodi kria, ita ba promove se mak atu ba liur. Promosaun komersiu iha rai liur se mak atu ba, promosaun empreza sira iha Timor, halo iha Timor. Prezidente Republika hakarak promosaun koalia tau osan iha Parlamentu Nasional iha orsamentu, agora tinan mai nee Junhu, Julhu mai nee Prezidente Republika tenke aprezenta osan nunee iha KROP ba liur halo promosaun, maibe Governu ida nee buka hela atu kria banku hodi dudu feto sira neebe iha kbiit lao daudaun ho buat ruma, laos atu ba faan pisan goren, mie goren, lae, tanba atu halo ekonomia lao so setor privadu laos governu,” dehan PM Xanana.
Primeiru Ministru dehan, atu haree ekonomia, haree agrikultura mas ba fonte diak ida mak turizmu hakarak halo tasi ibun halo hotel mesak boboot ema la ba.
“Turizmu komunitariu hau 2010 lao haleu hodi kria planu estratejiku dezenvolvimentu 2011-2030 nee ba fatin hotu-hotu neebe turizmu komunitariu bele, maibe iha duni planu estratejiku nee mos hakarak atu promove turizmu komunitariu, ezemplu iha Atsabe se mak atu ba ho kareta hanesan ema sae deit ba nia fila ona, tanba nee temi infraestrutura bazika ita halo uluk estrada too tiha neeba mak ema se mak hakarak halo prontu ho banku ida ajuda sira harii uma kiik oan ida, ema ba neeba haree buat sira nee hotu paradu tiha nee mak atu hahu fali nee,” katak PM.
Tanba infraestrutura iha broker berdasi nee mak kurije tiha mentalidade tinan ida nee, tinan mai nee hodi dudu estrada iha fatin hotu-hotu, aproveita halo daudaun ona turizmu komunitariu.
Tanba nee mak konseitu atu dezenvolve ekonomia nee, Prezidente Republika diak tebes-tebes, maibe Governu se ladun karik hakarak atu dudu mak ida nee.
(eme)
