DILI, STLTIMORLESTE.com – Primeiru Ministru (PM), Kay Rala Xanana Gusmão hatete, ohin IX Governu Konstitusional hahu diskute kona-ba krimi organizadu neebe tama iha Timor Leste (TL), iha Konselhu Ministru (KM).
Xefe Governu Kay Rala Xanana Gusmão hatoo liafuan nee ba jornalista iha Palasiu Prezidensial Nicolau Lobato Bairru Pite, Kinta (25/09/2025).
Nia hatete, ohin Governu hahu halo deskute konaba krime organizado neebe mak tama iha Timor Leste iha KM.
Primeiru Ministru afirma, nuudar Primeiru Ministru buat barak mak too iha nee deside, labele dehan ohin deside kedas ida nee.
“Ita manan Australia fronteira marítima nee tanba ita hatene. Povu Timor fou-foun organiza klandestina, organiza nee kaer oho sira komesa aprende. Too ezemplu kapas tebe-tebes ida kona-ba segredu klandestina, kompromisu, agora haluha tiha ona sira nia naran, laen ida ho fen ida, fen deskonfia laen. Tanba laen besik hela Indonezia sira, mais afinal laen nee iha rede klandestina ba ami iha ailaran. Mais dala ruma tauk, nia fen nee tanba feto nee koalia mai buat nee sai, neebe la temi, mais nia fen komu haree nia laen besik ho Indonezia sira ya pah, ya pah, feto nee deskonfia nia laen, feto nee iha rede klandestina,” dehan Xanana.
Nia haktuir, sira nain rua iha uma laran koalia kona-ba guerilla lakohi liu, tauk malu, mais servisu, ikus tiha mak sira dehan nusa la dehan ba, hakuak malu tiha tanba manan tiha ona. Ho Australia mos Timor halo estudu buat sira nee hotu, too iha Komisaun Konsilasaun Woodside entrega buat boot ida kona-ba ida nee, Prezidente Komisaun dehan, haree woodside nia surat mak nee, Xanana lee soe ba rai nee lixu.
“Imi husu ba Francisco Monteiro, ami nia estudu mak nee, imi halo tiha ona, ami halo mais ho nonok, neebe demokrasia, demokrasia, estadu, ita laos halo buat kiik, boot ida, o kalma, hau hatene deit orienta husi nee, laos atu kaer ema, laos atu baku ema, laos atu prende ema, mais ho nonok. Malae Bulgaria mai iha nee, ikus fali mai husu loos duni, mais hau hatene kedas ona, neebe lalika husu buat oi-oin. Sim, hau mos too mai hau lee tiha, hau dehan prontu ita tau Konselhu Ministru mak senor Agio Pereira ba esplika took iha neeba,” dehan nia.
Jornalista: Emerenciana Pinto
Editora: Domingas Gomes
