DILI, STLTIMORLESTE.com – Primeiru Ministru (PM), Kay Rala Xanana Gusmão husu populasaun prepara aan bainhira akontese mudansa klimatika, tanba labele muda mudansa klimatika.
Primeiru Ministru Kay Rala Xanana Gusmão hatoo kestaun nee ba jornalista sira, bainhira halo enkontru semanal ho Prezidente Republika Jose Ramos Horta iha Palasiu Prezidensial Nikolao Lobato, Bairo Pite, Kinta nee (24/07/2025).
Tuir perguntas katak mudansa klimatika sai preokupasaun ba mundu no Timor Leste, sa politika estratejika atu bele halo bainhira akontese Mudansa Klimatika? hatan ba kestaun nee Primeiru Ministru hatete so bele prepara aan deit, tanba labele muda.
Primeiru Ministru hatete, atu halo mudansa klimatika nee lalos, tanba iha Manila foin loron 2 saida mak akontese udan makaas sidadae bee nakonu, kuandu ita akompanha mundu tomak ita temi.
“Kona-ba mudansa klimatika nee ita prepara aan deit atu buat ruma akontese ita labele muda laiha estratejia, iha Australia iha fatin ida bee nakonu udan mai bee nakonu iha fali sorin balun neebe ahi han rai neebe imi buka akompanha mundu mak koalia, ita labele dehan katak ita iha estratejia ida ba mudansa klimatika,” katak PM.
“Rai kiik oan ida produs vero ita mak simu buat sira nee uluk kedas PM too pasifiku koalia konaba mudansa klimatika no husu ba Australia, husu atu kompensa rai pasifiku sira neebe kiik liu Timor-Leste neebe ho problema mudansa klimatika neebe la konsege halo buat ida ema momentu hakilar PM aat tebes.
Neebe mudansa klimatika agora nee mak foin koalia mais nee kleur ona rai boot sira neebe halo mudansa nee sira mak provoka mudansa klimatika, nee mak agora hanorin TL katak labele halo ida nee no labele halo ida neeba sira mak halo tiha Timor Leste halo lerek saida.
“Neebe atu dehan katak ita labele koalia kona-ba estratejia kombate mudansa klimatika laiha ita, se iha karik planu karik akontese buat nee atu rezolve oinsa nee deit,” katak PM Xanana.
(eme)
