DILI, STLTIMORLESTE.com – Primeiru Ministru (PM), Kay Rala Xanana Gusmão hatete, Governu kansela ba akordu finansiamentu ho International Development Association husi Grupu Banku Mundial, ba Projetu Timor-Leste Water Supply and Sanitation, razaun nee osan povu nia jere ho diak.
Xefe Governu hatoo kestaun nee ba jornalista sira, bainhira remata halao enkontru ho Prezidente Republika iha Palasiu Prezidensial, Nicolau Lobato, Bairo Pite, Kinta (12/12/20240).
“Razaun nee, ida nee osan povu nia gasta ho diak ba bee US$ 100 ital milhões halo saida, tanba sira hatene katak iha fundu petroliu nee mak ita asina halo iha neebe, tanba ida nee ho banku mundial, horiseik mos hau insiste katak ita tenke hatudu ba mundu tanba saida mak ita hasai desizaun ida nee halo estudu iha Losplaos, iha Same, iha Lospalos nia, fou-foun ADB dehan milhaun US$ 22 depois milhaun US$ 22 nee tenke publika, tenke halo ida nee, impresta ami tenke halo tuir o entau lalika impresta rai seluk, se impresta ami selu fila fali jurus tan ita temi funan entau ami mak hatene,” hatete PM ,Xanana.
Primeiru Ministru dehan, halo estudu ida milhaun US$ 17 hatene ona iha neebe mak atu dada bee, halo dezenhu, haree ona projetu ida nee, projetu kustu hira lori bee ba iha neeba tanki hira, hatene tiha valor lo-loos mak bele hatete koalia katak bele impresta ka lae.
Projetu ida iha Same milhaun US$ 20 resin Governu buka no haree ona, iha neebe halo estudu didiak bee nee boot ka kiik se lae halo buat boot tiha, maibe bee iha tanki tanba bee sai kiik tanba nee tenke halo estudu hotu.
“Milhaun US$ 20 resin mos hatun tiha ba milhaun US$ 15 bee nee dada ba iha neebe, kanu nee kilomentru hira iha kanu boot atu tau fali ba tanki, iha kanu kiik atu dada ba uma kilomentru hira atu estudu kompletu hotu ona autoriza tiha ona mak foin halo,” katak nia.
Nia dehan, laos tanba ADB mak lakohi simu lae,maibe tanba norma no regras uza osan povu nia nee mak tenke jere ho diak, tanba nee mak hakarak impresta bele depois mak selu ho funan.
No osan povu nia tenke jere ho diak no osan nee tenke fila ba povu, tanba nee mak lider neebe mak kaer Governu anterior mak tenke hatene oituan halo auditoria nee laos vigansa, halo auditoria nee para hatuur regra kaer osan diak nee ba jerasaun foun.
Entretantu Konselhu Ministru halao sorumutu iha Palasiu Governu, Kansela ba Akordus Finansiamentu ho International Development Association husi Grupu Banku Mundial ba projetu Timor Leste Basic Education Strengthening and Transformation.
Kanselamentu ba Akordus Finansiamentu ho International Development Association husi Grupu Banku Mundial ba Projetu Timor Leste Water Supply and Sanitation.
No halo Kanselamentu ba Akordus Finansiamentu ho International Development Association husi Grupu Banku Mundial ba Projetu “Dili Water Supply.
(eme)
