DILI, STLTIMORLESTE.com – Primeiru Ministru (PM), Kay Rala Xanana Gusmão observa preparasaun fatin Altar Tasi Tolu hodi realiza misa funeral no omenajen ikus ba Sua Santidade Papa Francisco.
Tuir ajenda, serimonia funeral ba mate isin Maktoban Sua Santidade Papa Francisco nian sei realiza iha loron Sabadu (26/04/2025) iha Bazílika Santa Maria Maggiore, Roma, nunee Konferensia Episcopal Timorense (CET) ho Governu organiza mos misa funeral iha altar Tasi-tolu iha loron hanesan, tuku 18:00.
Fatin nee nuudar fatin selebrasaun Eukaristika istorika durante vizita Apostolika Papa Francisco nian mai Timor Leste iha fulan Setembru 2024.
Iha observasaun jornalista STL Kinta nee (24/04/2025), Primeiru Ministru akompanha husi Vigariu Espiskopal Pastoral Arkedioseze Díli, Padre Juvito do Rego ho Paroku Parokia Imaculada Conceição Balide, Padre Angelo Salsinha.
(alb)
