DILI, STLTIMORLESTE.com – Primeiru Ministru (PM), Kay Rala Xanana Gusmão relata ba Prezidente Republika, Jose Ramos Horta, kona-ba Governu liu husi Konselhu Ministru desidi Ponte Komoro tau naran Kofi Annan.
“Horiseik mos Governu fo naran Ponte Komoro ho naran Kofi Annan, tanba nia kontribui ba Timor Leste nuudar mos erois ida ba Timor,” dehan PM, Xanana iha Palasiu Prezidensial, Nicolau Lobato, Bairo Pite, Dili, Kinta (05/12/2024).
Iha biban nee, Primeiru Ministru, Kay Rala Xanana Gusmão relata atividade Governu ba Prezidente Republika, Jose Ramos Horta.
“Informa servisu neebe atu halao, komu Prezidente haree hau hanesan nee, neebe Prezidente dehan, hau lori o ba o nia servisu fatin,” dehan PM, Xanana.
Entretantu iha loron Kuarta Konselhu Ministrus delibera hodi fo naran ba ponte foun Komoro Mota Ulun (Casnafar) ho naran Kofi Annan, Eis Sekretariu-Jeral Nasoens Unidas.
Aleinde nee Konselhu Ministrus aprova indikasaun ba naran sira neebe sei nomeia husi Ministru Transportes no Komunikasoins, Miguel Marques Gonçalves Manetelu, ba Konselhu Administrasaun Autoridade Nasional Komunikasoins (ANC) nian.
(eme)
