DILI, STLTIMORLESTE.com – Indonezia kontinua hatudu relasaun forte ho Timor Leste, tanba depois Primeiru Ministru Xanana Gusmão partisipa tomada de pose, Prezidente Prabowo halo kedas audensia durante 45 minutus, hodi diskuti kona-ba kooperasaun bilateral entre nasaun rua.
“Relasaun forte entre TL ho Indonezia, refleta iha partisipasaun PM Xanana nian ba tomada pose Prezidente RI, Prabowo, neebe halo kedas audensia ho durasaun 45 minutus, nee hatudu sinal relasaun forte nafatin, diak ba futuru”, katak Visi Ministru Asuntu Parlamentar (VIMAP), Adérito Hugo ba STL iha PN, Dili, Tersa (22/10/2024).
Indonezia tuir Aderito katak, kontinua hatudu sira nia relasaun forte ho TL, espesialmente ho PM, iha kompromisiu depois de referendum, nunee mos restaurasaun independensia 2002, nasaun 2 nee halo jestaun diak tebes ba rekonsiliasaun, neebe dokumentu rekonsiliasaun nee transforma ba dokumentu Chega konsidera responsavel koletivu ba pasadu durante tinan 24 .
No husi parte Timor nian implmenta ba dokumentu halo daudaun asistensia balu em nome estadu, neebe harii daudaun Centro Nacional Chega, neebe implementa ona rekomendasaun sira ba dokumentus konsensual entre TL ho Indonezia, ba rezolve problema pasadu iha kontestu rekonsiliasaun.
Nunee mos iha Indonezia iha pratika balu neebe Governu Indonezia halo mos medidas balu iha nuansa rekomendasaun Chega nian, maibe seidauk masimu.
(gui)
