DILI, STLTIMORLESTE.com – Primeiru Ministru Kay Rala Xanana Gusmão hatete, prosesu konstrusaun estadu la fasil. Liafuan nee relasiona ho estudante 60 iha Munisipiu Baukau neebe la asesu prosesu aprendizajen, tanba dook husi eskola nomos impaktu infraestrutura.
Primeiru Ministru hatete, prosesu konstrui nasaun nee ba laos fasil, tanba nee iha seminariu Primeiru Ministru dehan mudansa mentalidade hodi haree ba serbisu.
Problema IX governu nee tanba VIII governu, tinan nee husi VII too VIII estrada rural sira nee halo hotu ona. Saude loos hotu ona, governu nee tama buat hotu-hotu estragus tiha fali. Haree ba servisu PNDS nee estrada, agora iha planu nee mos PNDS dala ruma halo arbiru deit, la fasil.
“Prosesu atu konstrui nasaun laos fasil, tanba nee mak iha seminariu nee hau dehan mudansa mentalidade, hodi ita haree dehan hau agora kaer servisu ida nee, hau tenke haree uza osan nee ba povu rai ida nee susar. Apezar ita nia problema barak-barak, neebe imi husu tun sae, rai barak at liu ita, tanba kaer ona mak osan tama ona família mak nunee ona. La lakon eleisaun, lakon eleisaun iha problema ona, tanba hakarak nafatin neebe tau barak, ita agradese barak, ita nia demokrasia nee sei lao,” katak PM Xanana ba jornalista bainhira remata halo enkontru semanal ho Prezidente Republika Jose Ramos Horta iha Palasiu Prezidensial Nicolao Lobato, Bairo Pite, Kinta (04/09/2025).
Nia afirma, se deit bele protesta, nia mak manan sae ba, povu mak depois haree.
“Ita bele protesta, nia mak manan sae ba, povu mak depois haree, nee mak iha neeba nee iha daudauk seminariu nee hau koalia ba PAM sira, imi servisu diak ba, laos atu manan hau nia konfiansa ka konfiansa se nian, povu mak tenke konfia imi. Povu mak tenke gosta imi, tanba imi halo saida, estrada falta imi halo. Ho imi nia hahalok, imi nia domin ba rai munisípiu nee ho imi nia povu mak povu gosta imi, lae, hasai,” dehan Xanana.
Aleinde nee labarik nain 60 resin iha Suku Namanei, Postu Administrativu Kelikai Antigu, Munisipiu Baukau labele asesu prosesu aprendizajen hanesan nia maluk sira seluk, tanba kondisaun familia laiha rendimentu ekonomia hodi sustenta.
Jornalista: Emerenciana Pinto
Editora: Domingas Gomes
