DILI, STLTIMORLESTE.com – Primeiru Ministru Kay Rala Xanana Gusmão hatete, kona-ba rekrutamentu ba kadetes foun PNTL tinan 2025 arkiva, tanba mosu kontestasaun barak, tanba nee planu sei loke foun fali.
Primeiru Ministru Kay Rala Xanana Gusmão hatoo kestaun nee ba jornalista sira, bainhira remata halo enkontru semanal ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Kinta (19/03/2026).
“Hau mos informa ba Prezidente katak, horiseik ka hodi bainrua imi kala rona, hatene, imi sira nee hatene buat hotu-hotu iha manifestasaun fali ona, kona-ba prosesu rekrutamentu neebe horiseik, ami informa ona ba ita boot sira katak ami bolu husi Australia, husi Portugal, ho mos partisipasaun sosiedade sivil nian, ami ba haree didiak fali prosesu tomak rekrutamentu neebe provoka kontestasaun barak, mak ami haree didiak husi rekomendasaun husi senhor sira polisia mai husi Australia, Portugal sira dehan katak diak liu loke fila fali buat ida uluk nee ita arkiva tiha loke fila fali,” dehan Primeiru Ministru Kay Rala Xanana Gusmao.
Primeiru Ministru hatete ekipa polisia husi Australia no Portugal rekomenda katak diak liu arkiva tiha rekrutamentu antes nee no loke foun fali, neebe loke fila fali mak Ministru Interior sei esklarese didiak ba publiku.
“Neebe loke fila fali mak sei iha Ministru sei esklarese didiak ba imi sei iha faze tolu, premeiru hotu hotu tuir faze ida se mak lakon iha faze premeira nee ba ona, lahanesan ida ba ida nee no ida ba ida nee, Segunda faze kala numeru menus ona Semak lakon sai ona, depois ba faze terseiru Semak lakon mos sai nunee buat hotu transparante no justu,” dehan PM Xanana.
Primeiru Ministru hatete Governu hamutuk ho ekipa Polisia husi Australia no Portugal deside ona tanba nee ohin mai imforma ba Prezidente Republika Jose Ramos Horta.
(eme)
