DILI, STLTIMORLESTE.com – Primeiru Ministru (PM), Kay Rala Xanana Gusmão sei buka meius hotu hodi lori Greater Sunrise mai Timor Leste, nunee dezenvolve nasaun.
Xefe Governu dehan, iha OJE 2025 lalikan explora Greater Sunrise, maibe haree deit ba setor agrikultor, entaun Orsamentu Jeral Estadu (OJE) 2025 nee tau osan deit ba setor agrikultura, maibe ba fundu petroliferu lalikan, ida nee Deputada/u sira la komprende.
“Atan oan háu karik ami la hatene ezekuta orsamentu, maibe hau atu dehan katak, hau sei buka meius hotu atu dada Greater Sunrise mai, nunee dezenvolve ita nia rain”, katak PM ,Xanana.
Timor Leste tuir Xanana, sorti tanba povu sosa FP, sosa tiha tanba Austrália uniku nasaun osidental mak rekonhese integrasaun iha hodi asina ho Indonézia, hodi fahe 50% ba Indonezia no 50% ba Austrália ho nunee.
Bele oinsa mos sorti iha osan FP mak bele halo buat ruma, nia haree ona no konhese rai barak ukun aan husi 1970, buat ida laiha.
Tuir nia, sei halo buat hotu-hotu, tantu iha governu ou fora do governu atu lori Greater Sunrise mai.
Atu haree deit ba Agrikultura entaun OJE la foti ona husi FP, haree deit ba agrikultura ou hasai husi FP maibe haree deit ba agrikultura.
Entretantu, iha intervensaun Deputadu husi Bankada FRETILIN, Florentinho Ximenes Xina Raí hatete, deklarasaun PM nia horiseik mos kontinua fo esperansa ida katak, osan husi Greater Sunrise sei boot liu osan neebe simu husi Bayu-Undang.
Los duni kalkulu hatudu nunee, Primeiru Ministru bele esplika tok mai ami, oinsa mak osan minarai husi Greater Sunrise nee bele hadia no benefisia povu nian moris.
Enkuantu haree fali ba esperiensia, osan husi minarai neebé Marí Alkatiri uluk nuudar Primeiru Ministru, tinan 3 deit mak lori mai, bilhaun 30 resin, agora gasta besik hotu ona, maibe povu barak ka 44.4% sei moris ho kiak no liu 30% vulneravel atu monu ba kiak.
“Ita hotu hatene, osan mina rai husi Bayu-undang nian Mari Alkatiri mak lori mai, maibe nia rasik la uza tanba la ukun. Osan nee entrega ba governu uza durante tinan 15 nian laran iha imi nia ukun nian, hodi gasta lori dezenvolvimentu mai, maibe dezenvolvimentu nee rasik iha neebe no too agora seidauk hetan fali osan foun ruma.
(gui)
