DILI, STLTIMORLESTE.com – Xefe Aldeia Likarapoma, Suku Bairo Pite, Postu Administrativu Dom Alexo, Munisipiu Dili, halo avizu ba komunidade sira halo limpeza iha Kapela São Sebastião Hudi Laran.
Liu husi avizu, Xefe Aldeia Likarapoma, Rogerio dos Santos Exposto husu ba joven no komunidade sira neebe iha uma atu halo limpeza iha kapela São Sebastião Hudi Laran, tanba loraik sei halao misa Semana Santa ninia, husu komunidade idak-idak bele hakat ba iha kapela hodi halo limpeza.
“Avizu ba komunidade sira hotu katak, joven no komunidade neebe iha uma, husu ita boot sira hakat ba iha ita nian kapela para halo limpeza, tanba loraik ita sei selebra misa paskua ninia, husu ita boot sira idak-idak bele ba halo limpeza iha ita nian kapela no joven neebe iha uma bele hakat hotu ba iha Kapela,” dehan Rogerio liu husi avizu ba komunidade sira iha Aldeia Likarapoma, Kinta nee (17/04/2025).
Xefe Aldeia nee husu ba komunidade idak-idak iha konsiensia para ba halo limpeza, tanba nee lori ho aisar hanesan mos halo limpeza iha Sabadu semana kotuk ba iha selebrasaun misa Domingu Ramos ninia, komunidade sira halo limpeza iha kapela refere.
(jac)
