DILI, STLTIMORLESTE.com – Xefe Estadu, Jose Ramos Horta kongratula nasaun Republika Indonezia (RI) neebe selebra loron Independensia ba dala 79.
Liu husi diskursu Xefe Estadu iha salaun Multi Uzu Bebora Kinta kalan (21/11/2024) hatete, sente onradu no privilejiu hodi marka prezensa iha selebrasaun Independensia Indonezia ba dala 79.
“Privilejiu ida mai iha nee hodi selebra aniversariu Proklamasaun Indonezia nian ba dala-79. Apresiasaun makaas ba ita boot sira, liu-liu ba Embaixador ho ekipa iha embaixada neebe organiza ohin kalan. Ami kontente tebes atu hamutuk ho ita boot sira hodi selebra viajen neebe boot tebes husi povu Indonezia,” katak PR Horta.
Xefe Estadu hatete, husi luta eroi hasoru kolonializasaun Europeia. Liu husi Funu Mundial Segundu no too Loron Boot. Bainhira Bond Kairo no ATA lee Deklarasaun Independensia iha loron 17 Agostu 1945. Ohin loron, selebra Independensia Indonezia nian no determinasaun neebe boot ba ninia povu atu harii nasaun demokratiku ida neebe prosperu.
Nunee mos Embaixador Indonezia ba Timor Leste, Oktu Dorinus Manik hatoo apresiasaun ba parte hotu neebe hola parte hamutuk hodi selebra loron Independensia Indonezia ba dala 79.
Loron-loron importante mai hamutuk hodi selebra Indonezia nia Loron Independensia ba dala 79.
“Hau onra tebes no apresiasaun boot liu ba imi nia prezente ohin kalan mai iha resepsaun hodi selebra loron importante Indonezia nia selebrasaun Independensia ba dala 79,” katak Embaixador Indonezia ba Timor Leste.
Embaixador hatete, mundu tenke iha unidade no kolabora hamutuk atu lori mundu ida neebe diak liu no inkluzivu ba hotu-hotu.
No tinan ida nee selebrasaun Indonezia nian loron Independensia ba dala 79. La fasil atu halo viajen ba tinan barak ona. Maski nunee Indonezia halo ona progresu boot.
Tuir observasaun neebe STL hetan selebrasaun Indonezia nia Loron Independensia nee ba dala 79 marka prezensa husi Prezidente Republika Jose Ramos Horta, Primeiru Ministru Kay Rala Xanana Gusmão, Visi Primeiru Ministru Mariano Asanami Sabino, Embaixador Republika Indonezia ba Timor Leste, Okto Dorinus Manik, Prokurador Jeral Republika, Komandate Jeral PNTL, korpu Diplomatiku inklui Lider Nasional Timor Leste no partisipante seluk tan.
(eme)
