ISTAMBUL TURKY, STLTIMORLESTE.com – Reprezentante Ministru Defeza Timor Leste Contra Almirante, Donaciano do Rosario Costa Gomes “Pedro Klamar Fuik” neebe reprezenta husi Xefe Estadu Maiór Jenerál FALINTIL – Forsa Defeza Timor Leste (F-FDTL), Tenente Jenerál Domingos Raul “Falur Rate Laek” partisipa iha serimonia abertura International Defence Industry Fair (IDEF) tinan 2025, iha Istambul Turky.
Serimonia abertura Feira Industria Defeza Internasional nee loke diretamente husi Prezidente Repúblika Turky Sr. Recep Tayyip Erdoğan, iha Sentru expo Nasaun Turkya nian. Feira Indústria Defeza Internasionál IDEF prontu atu habelar nia susesu iha 2025.
IDEF 2025, Feira Internasional Indústria Defeza nian ba dala 17, simu partisipante sira no vizitante sira iha Istambul husi loron 22-27 fulan Julhu tinan 2025.
Nia esplika, IDEF 2025 ba dala 17 halao iha Sentru Expo Istambul nian durante loron ne’en hahu husi loron 22 too 27 fulan Julhu tinan 2025. Feira ida nee organiza husi Ministériu Defeza Nasionál Turkia nian, ho apoiu husi Prezidensia Indústria Defeza nian, no organiza hosi KFA Fairs Organization Inc, iha jestaun no responsabilidade husi Forsas Armadas Turkia nian.
IDEF hanesan eventu ida iha neebe ofisial sira setor públiku no privadu nian hosi mundu tomak halibur hamutuk hodi hatudu no deskobre produtu no teknolojia foun sira, espozisaun ne’e hakarak halibur partisipante profisionál sira no vizitante sira hosi rejiaun hotu-hotu iha tinan 2025, no kontinua prepara ba tinan oin mai.
Delegasaun neebe maka akompanha Xefe Estadu Maior Jenerál F-FDTL Tenente Jenerál Falur Rate Laek, maka hanesan Ajudante Kampo CEMGFA Kapitaun Egy, Sekretaria CEMGFA Alferes Rojina de Araújo no Enfermeiro CEMGFA Alferes Celestino Pinto.
(jen)
