DILI, STLTIMORLESTE.com – Xefe Kaza Sivil Prezidensia Republika, Jesuína Maria Ferreira Gomes partisipa iha misa ka solene selebrasaun eukaristika neebe halao iha Arkivu no Muzeu Rezistensia Timorense (AMRT, I.P).
Prezensa Xefe Kaza Sivil Prezidensia Republika iha solene Selebrasaun Eukarístika neebe halao iha Arkivu no Muzeu neebe halao iha loron domingu (17/08/2025) reprezenta Prezidente Republika, Jose Ramos Horta nia kompromisu metin hodi prezerva memoria no legadu luta nasaun nian ba ukun rasik aan.
Serimonia nee marka Aniversariu ba dala 50 fundasaun Forsa Armada Libertasaun Nasional Timor-Leste (FALINTIL) no halao nuudar lembransa profundu ba eroi no martir sira-nia luta ba libertasaun nasional.
Selebrasaun nee prezide husi Sua Eminensia, Arsebispu Díli, Kardeal Virgílio do Carmo da Silva, SDB, destaka liu husi bensaun ofisial imajen ida Nai-Feto Fatima nian nuudar Padroeira foun AMRT nian.
Jestu solene ida nee, simboliza ligasaun espiritual neebe klean entre devosaun mariana no povu timoroan nia reziliensia iha sira-nia istoria tomak, reforsa fiar neebe fo konsolasaun no protesaun durante rezistensia.
Xefe Kasa Sivil hatete, iha eventu nee sublina Prezidente Republika, Jose Ramos Horta nia kompromisu metin hodi prezerva memoria no legadu luta nasaun nian ba ukun rasik aan.
“Atu ida nee reprezenta momentu ida reafirmasaun espiritual no patriotika nian, fo onra ba valor fundamental sira husi aten-barani, sakrifísiu, no fiar neebe define nasaun timoroan no kontinua inspira nia future,” hakotu.
Serimonia nee marka prezensa mos husi Jeneral Reformadu, Lere Anan Timur, membru Parlamentu Nasional, membru Governu Konstituisional, korpu diplomatiku, povu no partisipante seluk tan.
(eme)
