DILI, STLTIMORLESTE.com – Sekretariu Estadu Komunikasaun Sosial (SEKOMS), Expedito Loro Dias Ximenes hateten, iha semana ida nee nia laran SECOMS ho Konselhu Imprensa (KI) tuur hamutuk hodi haree ba revisaun lei komunikasaun sosial.
Liafuan nee hatoo husi Sekrtariu Estadu Komunikasaun Social (SEKOMS), Expedito Loro Dias Ximenes ba jornalista sira, hafoin remata enkontru ho ofisial media sira iha Salaun Maria Goreti SEI Caicoli, Dili, Tersa (29/05/2025).
Expedito dehan, revisaun ba lei komunikasaun sosial nee SEKOMS servisu hamutuk ho CRA halo revizaun hotu ona, oras nee prontu ona atu halo diskusaun ho Konselhu Imprensa (KI), sei hein hela sira tanba sei okupadu oituan ho servisu.
“Iha semana ida nee SEKOMS ho KI sei tuur hamutuk ona para atu haree ba revizaun ba lei komunikasaun nee, hodi nunee Konselhu Ministru (KM) ho SEKOMS tuur hamutuk haree revisaun nee los ona depois sei lansa ba iha diskusaun publiku,” dehan Expedito.
Nia tenik, SECOMS sei konvida media nain sira, editor senior sira, akademiku sira, ho organizasaun jornalista sira atu fo hanoin molok lori ba iha Konselhu Ministru (KM) hodi hetan apresiasaun, depois enkaminha ba iha Parlamentu Nasiona (PN) atu aprova, depois ba iha Prezidente Republika (PR) bele promulga.
(EST 1)
