BAUKAU, STLTIMORLESTE.com – Rekrutmentu kadates foun periodu 2025 nee la iha sistema familiarizmu, tanba Komando Polisia Nasional Timor Leste (PNTL) utiliza sistema eliminasaun.
Informsaun nee hatoo husi Segundu Komadante Jeral PNTL atual Prezidente juri ba rekrutmentu kadates foun, Komisariu Polisia Pedro Belo ba jornalista sira hafoin remata observasaun prosesu rekrutmentu kadates foun iha Komando Polisia Munisipiu Baukau, Kinta (07/08/2025).
“Kona-ba rekrutmentu ida nee ita uza sistema eliminasaun bahasa Indonesia katak sistem gugur, nee nakloke ba ema hotu haree ho matan, hanesan ita haree iha neeba idade la too liu 23 elimina kedas ona, idade 17 deit elimina kedas ona, depois nia mai altura la too buat neebe iha elemina kedas ona, ema hotu hotu haree ho matan, neebe sistem familia nee haree husi neebe nee laiha tan,” dehan Pedro Belo.
Prezidente juri ba rekrutmentu kadates nee esplika, prosesu rekrutmentu kadete foun nee laiha sistema familiarizmu, tanba ema hotu haree bainhira kandidatu ida idade seidauk too 18, kandidatu idade liu 23 no altura ba kandidatu feto la too 158 no mane la too 165 elemina kedas iha prosesu inisiu.
Nunee mos faze tuir mai ba teste eskrita nian bainhira exame remata sei lori dokumentus teste sira ba Servisu Edukasaun Nasional hodi koresaun liu husi sistema eletroniku hafoin fo sai rezultadu ba Publiku, maibe bainhira rezultadu sai mak kandidatu balun la satisfas ho rezultadu iha tempu loron 5 ba nia atu halo reklamasaun hodi entrega hikas ba ekipa juri no bele mos entrega direita iha Ministeriu Interior atu fo resposta durante loron 5 nia laran.
Aliende teste eskrita, teste fiziku mos kompostu modalidade lubuk ida neebe nakloke ba Publiku atu asesu, mak kandidatu ida halai distansia neebe terminadu ho minutu 12 mak la too sei elimina kedas no modalidade seluk mos hanesan, kandidatu ida la responde tuir tempu neebe determinadu elemina kedas.
“Ita garante laiha sistem familia iha laran nee laiha, hotu hotu tenke berusaha, oportunidade ba hotu hotu tuir,” Pedro Belo akresenta.
(tom)
