DILI, STLTIMORLESTE.com – Eskola Sekundariu Jeral (ESJ) nu. 4 Setembru Balide, sei submete relatóriu konsesaun eskolar ba Ministeriu Edukasaun (ME).
“Ami nian relatóriu konsesaun eskolar prepara ona, ohin ami atu submete ba Ministériu Edukasaun (ME). Konsesaun neebe foun dadaun ami hetan nee uza ba iha nesesidade eskola nian,hanesan uza ba iha ezame pasajen, nasional no lokal. Atividades eskola nian hanesan desportu, atividades extra ninia sosa snak, bee, hadia eskola no pinta ami nian eskola nee halo foun,” dehan Diretor Eskola Sekundariu Jeral no 4 de Setembru Balide, Sergio A.da Cruz ba STL, Kinta (11/12/2025).
Sergio dehan, hadia meza no kadeira, odamatan, sira uza osan ida nee tuir nesesidade eskola nian. Nee mak ohin sei lori relatóriu konsesaun eskolar nian nee ba hatama iha Ministériu Edukasaun, konsesaun nee kada estudantes dolar rua.
Entretantu Diretor Eskola Sekundariu Jeral FINANTIL, Aniceto Berlelo katak, sira sei submete relatóriu konsesaun eskolar ba ME,tanba bainhira ninia ezekusaun nee remata, eskola presiza halo relatóriu,ba hatama iha Ministériu.
Jornalista: Jacinta Sequeira
Editora: Domingas Gomes
