DILI, STLTIMORLESTE.com – Implementasaun programa merenda eskolar iha ano letivu foun 2026, ninia menu laiha mudansa.
Xefe Departamentu Programa Merenda Eskolar iha ME,
Belchior Maria Almeida Barros hatete, kona-ba menu merenda eskolar ba tinan oin sei nafatin hanesan uluk, no menu sei laiha mudansa.
“Ami nian linha kordenasaun ho Ministeriu Administrasaun Estatal (MAE), Ministeriu Saude (MS) lao normal. Ami halo kordenasaun ho munisipiu sira, liu-liu ba preparasaun implementasaun merenda eskolar ba 2026 ninia, nee duni kordenasaun servisu lao diak,” dehan nia ba jornalista STL, Segunda (15/12/2025).
Iha fatin seluk, Superintendente Edukasaun Munisipiu Dili, Cesarina Correia Guterres hatete, kona-ba merenda eskolar nee inspetores sira mak halo kontrolu.
Nunee mos Diretor EBC Manleuana, Carlos Correia hatete, durante nee inspetores sira sempre mai halo kontrolu ba merenda eskolar iha eskola, tanba nee EJP sira prepara ai-haan ba estudantes tuir menu neebe mak prepara ona.
Jornalista: Jacinta Sequeira
Editora: Domingas Gomes
