DILI, STLTIMORLESTE.com – Eis Primeiru Ministru (PM) Taur Matan Ruak hateten, heroi sira nia mate laos troka deit ho bandeira, maibe sira nia mate atu iha justisa ba povu Timor tomak.
“Heroi sira nia mate laos ita atu troka deit ho bandeira, ema ba ukun troka malu, maibe sira mate atu iha justisa sosial ba povu tomak,” haktuir nota komunikadu imprensa neebe STL asesu husi Pajina Facebook ofisial eis Primeiru Ministru Taur Matan Ruak, Kuarta (31/12/2025).
Nia hatutan, estadu tenke tau matan ba ema hotu-hotu, kombate kiak, hamlaha, analfabetizmu no ignoransia, ida nee mak objetivu husi heroi sira-nia sakrifisiu luta ba ukun rasik an.
“Gloria no onra ba heroi sira hotu neebe sakrifika ona sira-nia vida hodi ohin ita iha nasaun ida livre no independente,” dehan nia.
Jornalista: Alberto Menezes
Editor: Xisto Mendonça
