DILI, STLTIMORLESTE.com – Banku Dezenvolvimentu Aziatiku (ADB) komprometidu tau prioridade ba programa igualdade jeneru ba asaun pratika iha Timor Leste (TL).
Reprezentante ADB iha Timor Leste, Michael Joseph ba jornalista sira iha Otel Palm hatete, luta ba igualdade jeneru laos asuntu nee hadia iha kalan ida deit, maibe nee hanesan viajen ida nee presiza tempu para bele hadia, no ADB iha Programa Empoderamentu Ekonomiku Feto nian (WEE) nee suporta husi ADB, espera katak ba oin TL sempre iha progresu diak intermus igualdade jeneru ida nee ida nee dudu no hatudu duni pogresu barak nasaun nee atinzi ona.
Nia hatutan, lider feto iha TL dadaun nee lubuk ida ona numeru nee signifikativu kompara ho nasaun seluk ida nee hatudu progresu diak.
Aleinde nee liu husi diskursu reprezentante ADB iha Timor Leste, Michael Joseph Walsh hatete, ADB komprometidu atu tradus prioridade sira kona-ba igualdade jeneru ba asaun pratika iha Timor Leste. ADB parseria ho SEI sai nafatin sentral ba esforsu sira-nee.
“Liu husi ami nia kolaborasaun, ami apoia inisiativa sira hanesan Programa Empoderamentu Ekonomiku Feto nian (WEE), hodi ajuda hametin ninia efikasia no alkanse, partikularmente ba feto sira iha komunidade rural sira. Iha tempu hanesan, ami serbisu atu promove ambiente institusional sira neebe permite feto sira atu partisipa, avansa no lidera,” dehan nia.
Porezemplu, iha setor enerjia, ADB apoia ona integrasaun jeneru iha EDTL nia laran, inklui dezenvolvimentu no implementasaun Kodigu Konduta ida neebe promove igualdade, la-diskriminasaun, no servisu-fatin neebe seguru. Esforsu sira-nee importante tebes atu asegura katak feto sira bele buras iha setor sira neebe sira ladun hetan reprezentasaun.
Nia hatutan tan katak, Timor Leste iha ona progresu notavel hodi avansa ba igualdade Jeneru inklui reprezentante feto forte iha parklamentu nasional.
Timor-Leste halo ona progresu notavel hodi avansa igualdade jeneru, inklui reprezentasaun forte ba feto sira iha Parlamentu, lakuna sei iha nafatin. Atu rezolve lakuna sira-nee presiza investimentu kontinua iha abilidade sira.
Programa sira hodi hametin kapasidade lideransa no harii rede entre lider feto sira iha setor hotu-hotu, Valor husi programa nee laos deit iha koenesimentu neebe fahe iha loron hirak tuir mai, maibe mos oinsa partisipante sira aplika koenesimentu nee.
Nia mos enkoraja feto sira aproveita didiak oportunidade ida-nee hodi envolve ho nakloke, aprende husi malu, no reflete kona-ba oinsa bele kontribui ba avansu lideransa inkluzivu iha Timor-Leste.
Nia mos reafirma katak, ADB sai nafatin parseiru komprometidu ba Governu no povu Timor Leste hodi avansa igualdade jeneru no lideransa feto nian.
Nunee mos Sekretariu Estadu ba Igualdade, Elvina Sousa Carvalho hatoo apresiasaun sinseru ba organizador sira liu-liu Banku Dezenvolvimentu Azia (ADB) kria plataforma importante ida-nee neebe halibur lideransa feto sira husi ita-nia rejiaun tomak hodi fahe esperiensia, hametin solidariedade, no inspira asaun koletiva ba igualdade jeneru.
Nia hatutan, bainhira feto sira lidera, komunidade sira sai forte liutan, instituisaun sira sai responsivu liutan, no sosiedade sira sai ekuitativu no reziliente liu tan.
“Hau hein atu fahe Timor-Leste nia lalaok, progresu neebe ita alkansa ona, dezafiu sira neebe sei iha, no ita-nia vizaun koletiva ba futuru ida neebe feto no mane partisipa hanesan hodi forma dezenvolvimentu ita-nia nasaun nian,” katak nia.
Sekretaria Estadu ba Igualdade hatoo apresiasaun sinseru ba Banku Dezenvolvimentu Aziatiku (BAD) nuudar parseiru xave ba dezenvolvimentu ba ninia apoiu kontribuisaun signifikativa ba Timor Leste nia dezenvolvimentu nasional.
(eme)
