DILI, STLTIMORLESTE.com – Familia Matebian Nadine B.R.do Carmo, husu bá inan aman sira iha Timor Leste atu eduka idak-idak nia oan labele halakon ema seluk nia oan nia vida. Husi sira nia hahalok nee hakotu ona Nadine nia futuru neebe durante nee nia mehi atu halao bá oin, ohin nia labele duni ona nia mehi sira tanba fila ona bá Nai Maromak Nia kadunan tanba ema eluk nia hahalok.
Liafuan nee haktuir husi Reprezentante Familia Matebian, Octavio Sarmento iha Igreja Maria Auxiliadora Komoro, iha ambitu misa funebre Matebian Nadine, Kuarta (10/06/2026).
Liu husi biban nee familia husu ba inan aman iha TL, atu idak-idak eduka oan sira labele halakon ema seluk nia vida. Hahalok nee hanesan hakotu ema nia futuru neebe durante nia mehi atu alkansa.
“Nuudar ema humanu ita perdua malu, maibe ba dalan justisa ita hotu kumpri no prontu simu rezultadu. Ami familia husu bá Padre, Madre, bá familia Eskola São Pedro no Saleziana atu harohan no reza nafatin bá Maromak hodi perdua Nadine nia sala no haraik fatin iha Nai nia Kadunan Santo nian,” tenik nia.
Nia hatutan, husu bá inan aman hotu atu hanorin no koko halakon pensamentu hahalok ladiak nee iha oan sira nia ulun.
(dom)
