DILI, STLTIMORLESTE.com – Ekipa husi Sekretaria Estadu ba Igualdade (SEI) kontinua halo monitorizasaun no advokasia ba linha ministeriu hotu hodi implementa programa kompromisu igualdade jeneru liu-liu deklarasaun Maubisse.
Kestaun nee hatoo husi Sekretaria Estadu ba Igualdade, Elvina Sousa Carvalho ba jornalista sira iha Otel Palm, Tersa (09/06/2026) hatete, ekipa husi Sekretaria Estadu ba Igualdade kontinua halo advokasia no linas ministerial sira hotu hodi implementa programa igualdade jeneru liu husi deklarasaun maubisse no seluk tan.
“Laos SEI mak atribui ba linas ministerias maibe, SEI halo advokasia atu linas ministerias sira tau osan ba komprimisiu jeneru sira neebe mak ita iha ezemplu deklarasaun Maubisse rekomendasaun Cedaw planu asaun nasional feto pas no seguransa, planu asaun nasional violensia bazeia ba jeneru,” dehan Sekretaria Estadu.
Politika sira nee laos SEI deit mak implementa maibe implementa iha linas ministerias sira hotu tanba nee mak SEI halo advokasia para linas ministerias sira tau osan iha programa sira nee para operasionaliza politika sira nee.
“Ami nia ekipa halo monitorizasaun no halo akompanhamentu neebe klean no besik ba iha implementasaun husi programa sira no atribuisaun orsamentu,” dehan Sekretaria Estadu Ba Igualdade.
Oinsa ekpa nia observasaun ba linas ministerial sira neebe la implementa orsamentu neebe tau iha ba programa igualdade jeneru halo fali programa seluk oinsa SEI nia haree ba ida nee? hatan ba kestaun nee Sekretaria Estadu hatete ida nee akontese iha pasadu maibe mandatu tinan ida nee seidauk iha maske iha erru, ministerial balun neebe mak tau tiha osan ba politika jeneru maibe la implementa, tanba nee SEI nafatin halao serbisu makaas hodi haree nunee labele akontese iha linhas ministerial sira uza fali osan neebe tau ba promosaun igualdade jeneru maibe halo fali atividade seluk.
Elvina dehan, SEI nafatin halo advokasia nunee ministerial sira utiliza osan neebe mak mensiona ba promosaun igualdade jeneru nee utiliza ho diak, tanba SEI mos sai membru KRO komite revizaun Orsamentu sei halo intervensaun nafatin iha KRO atu husu linas Ministerias sira implementa orsamentu ba duni programa refere.
Membru Governante nee dehan, Sekretaria Estadu ba Igualdade (SEI) mos nafatin intensifika sira nia investimentu iha promosaun igualdade jeneru.
No orsamentu nee iha mai husi kada lina Ministerias sei atribui tuir ida idak nia, ministeriu balun tau 5% balun 10% balun tau 20% ida nee defende ba nesesidade instituisaun nomos sensiblidade husi instituisaun rasik.
Aleinde nee nunu governu konstitusional liu husi Sekretariu Estadu ba Igualdade (SEI) hamutuk ho linhas ministerial 17 iha tinan kotuk halo lansamentu matadalan ba Implementasaun no monitorizasaun deklarasaun Maubisi faze III ho linha ministeriu implementador sira.
Atividade lansmentu nee hodi promove feto rural sira nia partisipasaun iha vida ekonomia no asesu ba rekursu sira sai hanesan objetivu prinsipal ida husi IX Governu Konstitusional nian, nuudar parte ida hodi kontribui ba kompromisu rejional no nasional sira, inklui planu estratejiku dezenvolvimentu nasional (PEDN 2011-2030), objetivu dezenvolvimentu sustentavel (ODS) 5 kona-ba Igualdade Jeneru no empoderamentu feto.
Linas Ministeria 17 neebe mak asina deklarasaun Maubisse mak hanesan Ministeriu agrikultua no peskas, Ministeri Edukasaun, Ministeriu Saude, Ministeriu Solidaridade Sosial no Inkluzaun, Ministeriu Administrasaun Estatal, Ministeriu Komersiu no Industria, MOP, Ministeriu Finansas, Ministeriu Justisa, MTK, MTKI, MPM, Ministeriu Defeza, MI, MNEK, SEFOPE, no SEI.
(eme)
