DILI, STLTIMORLESTE.com – Fundasaun Alola selebra aniversariu ba tinan 25, tanba Alola iha kargu atu hakbit feto sira no avansa ho igualidade Jeneru iha Timor Leste durante tinan 25 laran.
Nia hatete, Fundasaun Alola ohin selebra aniversariu ba dala 25, tanba nee Alola hanesan reprezenta inan feto sira hotu-hotu iha mumentu neeba hodi hasoru terus iha mumentu neeba.
“Ohin ita hotu-hotu senti kontenti no ondradu atu halibur hamutuk hodi komemora fundasaun Alola nia Aniversariu Ba dala 25,” Vice-PM MCAS e Ministro do Desenvolvimentu Rural e Habitacao Comunitaria, Mariano Assanami Sabino ba jornalista sira liu husi nia deskuru wanhira partisipa Aniversariu Fundasaun Alola ba dala 25 neebe realiza iha Delta Nova Dili, Sesta (19/06/2026).
Nia tenik, okaziaun importante ida nee iha ninia istoria, Fundasaun Alola kargu atu hakbit feto sira no avansa ho igualidade Jeneru iha Timor Leste durante tinan 25 laran.
Nia esplika, servisu barak neebe Alola halao no Timor Leste Stunting neebe barak teb-tebes, governu hetan dezafiu boot ida nee hadaet husi inan neebe hetan mal nutrisaun ona.
“Krekas ho rasa badak ita sei ba hadia, maibe liu forma kakutak, kuandu kakutak nee la kompletu mak labarik nee laos labarik matenek, tanba nee mak husu ba komunidade, ONG hotu-hotu ba mos inan-aman, familia ita hotu tenke esforsu para salva ita nia oan. Alola hanesan NGO neebe rekonhese no hamriik hamutuk ho governu hodi kompate ida nee,” nia deklara.
Nia koalia, Fundasaun Alola iha tempu naruk nia laran kontribusi siknifikativu auto sufisente ekonomika hadia oportunidade edukasaun no defende Saude no direitu nunee lori ona impaktu pozitivu ba ema barak.
Nia hatutan, Alola mos tau matan ba Inan sira, liu-liu ba feto sira neebe hetan moras, Alola mos sai trasforma atu mutiva inan sira labele lakon esperansa wanhira hetan moras ou hasoru problema ruma tenke nafatin hamriak no luta rasik para atu hasoru hodi hasai moras nee husi isin lolon.
“Bainhira ita komemora aniversariu ida nee hau hakarak refleta konaba parserial viral entre Governu TL no organizasaun sosialdade sivil nudar kolaborasaun ida nee hamrik nudar fundasaun ba ita nia dezenvolve nasional iha nuno governu konstitusional nian okos,ida nee,ida nee kursial no atu Selebra mekanisamu neebe estabelese ona ho relonsabilidade haburas dialogu no promesa inkluizaun sosial ita nia nasaun,” nia Informa.
Iha fatin hanesan, Fundadora Fundasaun Alola Kristy Sword Gusmão deklara, mumentu neeba halo advokasia makaas para Indonesia bele autoriza familia atu hasoru malu ho Juliana iha Fronteira, entaun inkotru nee realiza duni, no mumentu neebe iha presaun pisikolojiku oi-oin para Juliana labele fila ba TL.
“Maibe hau nia esperensia halo advokasia ba Juliana nudar feto ida deit neebe hasoru Violénsia bazea jerenu, entre feto atus ba atus,entaun hamosu iha hau nia fuan hakarak ida katak atu estabelese organizasaun ida, tanba nee maka hau foti Juliana naran bolu Lola ba hau nia organizasaun foun ho naran Alola,” nia esplika.
Nia informa, Fundasaun Alola hahu husi inisiu iha dezafiu oi-oin tanba fundus laiha no staf kualifikasaun naton no limitadu.
“Maibe ami iha hanoin boot no mehi boot atu hadia statutu feto liu husi programa haat, iha area advokasia, edukasaun, kbiit ekonomiku, hakbit feto nia potensial iha area ekonomia, nomos saude inan no kosok oan, tanba nee mak programa nee atu sai boot,” nia afirma.
(jen)
