DILI, STLTIMORLESTE.com – Veteranus ativu neebe iha Instituisaun FALINTIL-Forsa Defeza Timor Leste (F-FDTL), Lorenco José Cabral “Aquito Tanque de Gerra,” sente triste ho falesimentu Antigu Prezidente Republika Francisco Guterres Lú-Olo.
“Ami sente triste lakon ami nia lider diak ida neebe durante funu ami asegura malu ohin loron nia mate iha ema nia rai, ami nuudar nia belun ho Timor oan sente triste,” hatete Aquito Tanque de Gerra ba jornalista sira iha rezisténsia Saudozu Francisco Guterres Lú-Olo iha Farol, Segunda (22/06/2026).
Nia konhese Lú-Olo nuudar ema neebe simples no haraik aan no mos gosta rona ema seluk nia ideia.
“Hau konhese nia Primeiru durante 24 anos lao hamatuk neebe husi ain kukun too fuk laran hau konhese nia. Hau nia kompañia rejional III tanba nee mak hau konhese nia durante funu, ema ida karakter lao kantenti, laos hadau malu koalia, saida deit mak ema koalia ba nia, nia rona no mos aumezmu tempu nia rona ami komandante sira, situasaun kuandu la diak dehan A dehan B”, nia Informa.
Ofisiál F-FDTL nee hatutan, maun Lu-Olo, eis Prezidente no Prezidente Partidu ema ida neebe simples la hatene halo aan, tanba nia moe dor.
“Kuandu ema halo ba nia nonok deit, nia simples mak nee, ema ferik ho katuas nia nee la hatene halo aan,” nia subliña.
Iha biban nee Aquito Tanque de Gerra triste tanba Ministra Saúde la demora ema nia moras, nuudar veteranu hateten katak riin nain ba Estadu.
“Kuandu dala ruma ami ba konsulta demora fali ami ida nee mak ami triste, nuudar ema humanu dalan mak mate, mais nuudar ema veteranu sempre hanoin malu, bele problema too neebe ami nunka haluha malu. Nia (Lú-Olo) hau bolu maun Lu mate laos hadomi nia fo mean ho mutin ba hau, hadomi nia nuudar 24 ano luta hamutuk lao hamutuk nunka soe malu”, nia lembra.
Nia rekomenda ba Ministra Saúde la bele demora ema nia mate.” Ami nuudar veteranu triste, Primeiru Komadante Mau Kalo, Segundu Maijor Jeneral Sabika nia ferikoan, terseiru hau la la hatene hau nia maun Lu ba orjente ka lae, maibe hau rona nia mate deit,” fo hanoin.
“Hau rekomenda ba Ministra Saude, Komadante Maukalo nia moras sei demora tanba osan laiha, tropa hotu-hotu soe osan hamutuk mak foin ba halo tratamentu, hanesan mos agora daudaun maun Lu. Hau hatene katak nee eis Prezidente Repúblika sempre estadu tau matan. Hau tenki husu ba Ministra Saude, mate sira neebe mate nee tenke dignu,” nia afirma.
(jen)
