DILI, STLTIMORLESTE.com – Padre Paul Kerans, SVD hatete, nuudar ema fiar nain tenke iha misaun atu prepara dalan ba ema seluk atu hetan Kristu, hodi sai naroman.
Padre Paul Kerans, SVD ba STL Kuarta nee (24/06/2026) hatete, reflesaun ba kuarta feira, festa moris joao baptista nian tuir evanjelhu Lucas 1:57-66, 80.
“Evanjelhu ohin nian fo hanoin mai ita konaba Joao Batista nia moris, Jesus nia primu. Nia moris husi Isabel, neebe liu ona idade normal atu iha oan, no nia laen, Zacarias, neebe la fiar atu iha oan ho idade katuas hanesan nee. Tan nee, Zacarias sai nonook nuudar kastigu ba nia falta fiar. Bainhira nia hakerek naran Joao, nia nanal sai nakloke, no nia bele koalia fali,” dehan Padre.
John moris iha sirkunstansia neebe uniku. Nia inan-aman la hili nia naran. Ida nee Maromak fo ba nia husi leten. Naran ida nee, mai husi liafuan ebraiku Yohanan, signifika bensaun husi Maromak. Nia moris mai ho misaun espesial tebes prepara nai nia dalan. Labarik nee sai boot no nakonu ho Maromak nia Espíritu. Depois nia hela iha rai fuik too loron nia serbisu haklaken publiku.
“Iha lisaun tolu importante liu ita bele aprende husi Evanjellu ohin nian premeiru, hanesan Joao, ita mos moris ho objetivu ida. Ita iha misaun espesial iha moris neebe fo mai ita husi moris mai. Jeralmente, nuudar fiar nain, ita partisipa iha Joao nia misaun atu prepara dalan ba ema seluk atu hetan Kristu. Hodi sai naroman, ita halo dalan sai fasil liu ba ema seluk iha sira nia viajen ba Maromak nia Reinu. Susar ba ita se ita sai fatuk sidi ba sira,” dehan Padre.
Segundu Hanesan Joao, ema la hili nia inan-aman ka ema nia naran tenke aprende atu simu se ema hakaas an atu hadomi nia inan-aman no ema seluk ba se ema, iha liafuan tuan ida “Ita maka prezente ida husi Maromak liu husi ita nia inan aman saida maka ita maka ita nia prezente ba sira.” Katak Pe.
Terseiru “ita iha frakeza, tan nee ita presiza hetan bensaun husi Maromak. Ita presiza espíritu santu nia orientasaun atu kumpre ita nia misaun. Ita presiza husu nafatin forsa liuhusi orasaun. Hanesan Joao, ita tenke fo tempu atu ba iha rai fuik maran atu hasoru ita nia Kriador tanba la ho nia ita labele halo buat ida” (Joao 15:5),” katak nia.
Bibi atan kreda katolika konvida ema hotu agora hamutuk ho salmista hodi kanta hahii ba Maromak tanba ema kria ho maneira neebe makaas no maravillozu, no ninia obra sira maka maravillozu duni. Salmo Mazmur 139:14.
(eme)
