DILI, STLTIMORLESTE.com – Sua Eminénsia Dom Virgílio Kardeal da Silva hamutuk ho Bispu Maliana no Baukau parabeniza Polísia Nasionál Timor-Leste (PNTL) ba seguransa serimónia restus mortais preladu na’in-3 iha esplanada Tasi Tolu.
Komandante Jerál PNTL Komisáriu Asistente Polísia Afonso de Jesus dos Santos esplika, Líder Igreja Katólika fo parabens ba PNTL tanba asegura ho susesu serimónia preladu na’in-3 iha Tasi Tolu durante loron 10.
“Ita hala’o operasaun ba eventu nasionál durante loron 10. Amu Bispu na’in-3 fó parabéns ba PNTL tanba servisu ho di’ak no susesu,” hatete Komandante Jerál Polísia Nasional Timor-Leste (PNTL), Komisáriu Asistente Polísia Afonso de Jesus dos Santos ba jornalista sira iha Komando PNTL Munisipiu Dili, Segunda nee (14/09/2026).
Nia dehan, eventu durante loron 10 nee lao diak teb-tebes, tanba hetan segurasa masimu husi PNTL ho F-FDTL.
“Hau hatete katak, susesu ne’e hatudu katak kolaborasaun entre PNTL, F-FDTL, KPK no komunidade presiza tebes ba atividade públika no relijioza,” nia koalia.
Nia hatutan, PNTL sei kontinua hametin servisu polisiamentu no kooperasaun hodi garante seguransa no tranquilidade ba povu Timor-Leste.
Iha fatin katak, Maria Banca dos Santos nudar sarani Katolika nee Informa, segurasa iha serimónia haloot restus mortais Preladu Katólika na’in haat, iha Igreja Parokia Katedrál Imaculada da Conceição, Dili nee Lao diak tebes.
(jen)
