Estranjeiru 311 Viola Kondisaun Vistu

Foto: STL/Jeniche da Costa

DILI, STLTIMORLESTE.com – Servisu Migrasaun rejista estranjeiru 311 viola kondisaun vistu, liuliu uza vistu turista hodi halo atividade servisu no negósiu.

Diretór Ezekutivu Servisu Migrasaun, Komisáriu Asistente Jorge Monteiro relata violasaun rejista durante Janeiru to’o Agostu 2026.

“Ita rejista 311 estranjeiru viola kondisaun vistu, liuliu tama ho vistu turista maibé halo atividade servisu ka negósiu,” hatete Diretór Ezekutivu Servisu Migrasaun, Komisáriu Asistente Jorge Monteiro ba jornalista sira liu husi Konferensia Imprensa iha MI, loron kinta feira (17/09/2026).

Nia esplika, autoridade bele aplika multa entre US$ 200 to’o US$ 540, tuir gravidade kazu no Lei Imigrasaun.

Nia informa, ba sira ne’ebé iha kapasidade, tenke selu multa. Ba sira ne’ebé la selu, aplika medida abandona voluntáriu husi territóriu Timor-Leste.

Iha fatin fatin katak, Akademista UNTL José Costantino Ximenes tuir dadus hatudu husi Servisu Imigrasaun katak, total 282.304 estranjeiru tama Timor-Leste, maioria uza vistu turista. Maibé balu pratika atividade la tuir vistu ne’ebé hetan.

“Ita husu ba Imigrasaun katak, sidadaun hira nee viola kondisaun vistu,Ita husu tenke kontinua halo fiskalizasaun no aplika sansaun administrativa tuir lei vigora,” nia afirma.

(jen)

Share it :

Leave a Reply

Your email address will not be published. Required fields are marked *