DILI, STLTIMORLESTE.com – Poísia Nasionál Timor-Leste (PNTL) asegura katak, prosesu rekrutamentu ba kandidatu foun sei bazeia ba kritériu no rezultadu avaliasaun, la’ós familiarizmu.
Komandante Jerál PNTL Komisariu Assistente Polísia Afonso dos Santos hatete, instituisaun ne’e la tolera prátika familiarizmu iha prosesu rekrutamentu ba kandidatu foun, no sei garante prosesu ne’ebé bazeia ba kritériu avaliasaun.
“Hau hakarak rekrutamentu neebe diak, konkali kon laiha ,hau hakarak ba los mai los,mantein ida nee mak dehan PNTL,Não existe familiarismo na Polícia,” hatete Komandante Jerál PNTL Komisariu Assistente Polísia Afonso dos Santos ba jornalista sira iha Komjer Dili, Kuarta (21/10/2026).
Nia hatete katak, kandidatu hotu tenke kumpre rekizitu no liu prosesu avaliasaun tuir regra ne’ebé instituisaun estabelese.
“Ida neebe mak liu mak ida nee duni, sei la too muda, agora sira Informa mai hau ita foti rezultadu izame nee valor tenke 67, sei la too hatun,atu nunee sira bele liu hotu,” nia esplika.
Komandante-Jerál mós subliña katak rezultadu kandidatu sira tenke determina tuir sira-nia kapasidade no rezultadu avaliasaun, la’ós tanba relasaun família ka interese pesoál.
Tuir informasaun ne’ebé temi, prosesu ne’e sei publika rezultadu preliminár, atu kandidatu sira bele hatene sira-nia situasaun iha etapa rekrutamentu.
Rezultadu preliminár ne’e sai nu’udar baze ba kandidatu sira atu haree sira-nia rezultadu tuir prosedimentu ne’ebé aplika.
Entretantu, tuir informasaun kona-ba rekrutamentu Polísia Nasionál Timor-Leste (PNTL) ba tinan 2026, númeru importante sira mak, Vaga ajente foun nee 750, nomos Kandidatu ne’ebé tama ba teste kulturál: 11.391. Pontu mínimu teste 67.
Rezultadu final kandidatu ne’ebé pasa no la pasa: seidauk iha dadus ofisiál ne’ebé hau bele konfirma husi informasaun disponível iha 14 Outubru 2026.Numeru dadaun neebe liu ona teste kulturál ba rekrutamentu Ajente PNTL foun nee hamutuk 500 resin ona inklui Munisipiu 13 Inklui RAEOA.
(jen)
