DÍLI, STLTIMORLESTE.com — Ekipa basquetebol feto ADR União hetan vitória ho rezultadu 54–29 kontra Salazar, iha kompetisaun Liga Basquetebol Nasional Timor-Leste, ne’ebé hala’o iha Ginásio Desportu Dili, Sábadu, 24/10/2026.
ADR União hatudu dominíniu desde inísiu jogu, liuhusi atake efetivu no organizasaun jogu ne’ebé di’ak. Iha parte dahuluk, ADR União lidera ho pontu 25–8, depois remata kuartu dahuluk ho vantajen 11–2.
Iha kuartu segundu, ADR União kontinua aumenta diferensa pontu, maski Salazar koko responde liuhusi atake ba baliza. To’o remata primeira parte, ADR União kontinua iha oin ho rezultadu 25–8.
Depois deskansu, ADR União kontinua domina jogu iha parte daruak. Ekipa ne’e aumenta vantagem pontu iha kuartu datoluk, hodi lori rezultadu ba 41–17.
Iha kuartu ikus, Salazar koko hamenus diferensa pontu, maibé ADR União kontinua hetan pontu liuhusi atake sira ne’ebé efetivu. Jogu remata ho rezultadu final 54–29 ba ADR União.
Durante intervalus deskansu, treinadór husi ekipa rua kontinua fó orientasaun téknika ba jogadór sira, bazeia ba observasaun kona-ba movimentu no estratéjia durante jogu.
Enkuantu ne’e, apoiadór no simpatizante husi klubu rua kontinua fó animasaun ba ekipa ida-idak durante kompetisaun, hodi aumenta motivasaun jogadór sira iha kampu.
Rezultadu ne’e fó vitória ba ADR União iha Liga Basquetebol Nasional Timor-Leste, enkuantu Salazar presiza hadi’a organizasaun defensiva no aproveitamentu oportunidade atu hetan pontu iha jogu sira tuirmai.
(leo)
