DÍLI, STLTIMORLESTE.com – Ekipa voleibol feto Covalima manan Ermera ho rezultadu 3-0, iha kompetisaun Festival Nasionál Desportu (FND) – Festival Desportu Paralímpiku (FNP) 2026, Kuarta-feira (18/11/2026), iha Gináziu Desportu Díli.
Iha enkontru ne’e, Covalima hatudu dominasaun ho manán set primeiru ho pontu 25-17, iha kompetisaun ne’ebé hahú tuku 17:00.
Iha set segundu, Covalima kontinua domina jogu no manan ho rezultadu 25-16, enkuantu Ermera luta atu buka oportunidade hodi hetan pontu.
Iha set datoluk, Covalima aumenta nia dominasaun no manan ho diferensa pontu boot 25-6, hodi taka enkontru ho vitória direta 3-0.
Vitória ne’e hatudu preparasaun no organizasaun ekipa Covalima, liuliu iha servisu simu bola, passing no atake durante set tolu.
Iha sorin seluk, apoiantes husi munisípiu rua kontinua fó apoiu ba ekipa ida-idak liuhusi hakilar no basa liman durante enkontru.
Rezultadu ne’e aumenta konfiansa ekipa Covalima atu kontinua kompetisaun FND-FNP 2026, enkuantu Ermera presiza avalia no hadi’a preparasaun ba jogu tuirmai.
Rezultadu kompletu:
| Set | Covalima | Ermera |
|---|---|---|
| 1.º | 25 | 17 |
| 2.º | 25 | 16 |
| 3.º | 25 | 6 |
| Total | 3 | 0 |
(leo)






