Dili Manan Covalima iha Voleibol FND

DÍLI, STLTIMORLESTE.com – Ekipa voleibol mane Munisípiu Dili manan Covalima 3–0, iha kompetisaun Festival Nasionál Desportu (FND) – Festival Desportu Paralímpiku (FDP) 2026, iha Gináziu Desportu Dili.

Enkontru ne’e hala’o iha kuarta-feira, 18 Novembru 2026, tuku 18:25 OTL, iha Gináziu Desportu Dili.

Iha set dahuluk, Dili hatudu desempenhu forte no manan Covalima ho rezultadu 25–12, hodi domina jogu hahú husi inísiu.

Set daruak, Dili kontinua domina kompetisaun no manan ho pontu 25–9, liuhusi organizasaun jogu, servisu no atake ne’ebé efetivu.

Iha set datoluk, Covalima koko hametin defeza no hamenus diferensa pontu, maibé Dili manan tan ho rezultadu 25–17.

Ho rezultadu ne’e, Dili taka enkontru ho vitória 3–0, depois manan set tolu iha kompetisaun voleibol mane FND–FDP 2026.

Durante enkontru, apoiantes husi munisípiu rua kontinua fó animasaun ba atleta sira, hodi kria ambiente animadu iha gináziu.

Rezultadu kompletu:

SetDiliCovalima
Dahuluk2512
Daruak259
Datoluk2517
Final30

(leo)

Share it :

Leave a Reply

Your email address will not be published. Required fields are marked *