DILI, STLTIMORLESTE.com – ADR União manan AD SLB ho rezultadu 32-29 iha Liga Basquetebol Timor-Leste 2026, iha Ginásio Dili.
Jogu ne’e lao ho disputa maka’as entre ekipa rua, ho atleta sira husi ADR União no AD SLB luta pontu kada kuarter. AD SLB buka atu halo reviravolta, maibé ADR União konsege mantein vantajen to’o apitu final.
Adeptu no apoiantes ne’ebé marka prezensa iha Ginásio Dili anima ekipa sira durante jogu. Atmosfera sai moris ho hakilar no apoiu ba jogador sira.
Treinador husi ekipa rua kontinua fó orientasaun no motivasaun ba atleta sira atu mantein konsentrasaun, respeita adversáriu no luta to’o tempu ikus.
Treinador ADR União hato’o apresiasaun ba atleta sira nia servisu maka’as ne’ebé kontribui ba vitória hasoru AD SLB. Vitória ne’e fó motivasaun ba ADR União atu prepara aan ba jogu tuir mai.
Liga Basquetebol Timor-Leste 2026 kontinua sai plataforma ba klubu sira atu hatudu talentu, hasa’e nivel kompetisaun no dezenvolve modalidade basquetebol iha Timor-Leste.
(leo)
