DILI, STLTIMORLESTE.com – Autoridade Inspesaun Fiskalizasaun Atividade Ekonomika no Sanitaria Alimentar (AIFAESA) hamutuk ho Embaixada Amerika Young Southeast Asian Leaders Initiative (YSEALI) professional program realiza workshop Kona-ba ai-haan seguru ba operador ekonomiku sira.
Objetu husi workshop nee oinsa atu fahe informasaun kona-ba ai-haan seguru ba operador ekonomiku sira, ba futuru prepara ai-haan neebe hijiene saudavel ba konsumidores sira atu labele fo risku ba iha saude publiku.
Inspetora Jeral AIFAESA, Odete da Silva Viegas hatete, AIFAESA hetan konfiansa husi Embaixada Amerika iha Timor Leste bele realiza programa workshop ida nee, tanba Timor oan lubuk ida tuir floship iha area nutrisaun, oinsa sira konbina malu no husu autorizasaun AIFAESA kovense fatin bele organiza workshop ida nee.
“Ami sente orgulhu tanba hetan mos konfiansa husi Governu Amerika YSEALI reprezenta iha TL atu bele halao seminariu ba ai-haan seguru,” hatete nia ba jornalista sira iha Matadouro, Segunda (18/5/2026).
Nia haktuir, ema neebe tuir formasaun, ohin loron nee tuir aplikasaun nunee ema barak interesante tebes, iha ema nain 90 maibe kondisaun AIFAESA iha limitadu entaun simu ema nain 40 mai husi servisu restorante, resepsionista, antuziasmu husi maluk sira neebe halo negosiu, oportunidade mak laiha, maibe aproveita tempu ida nee floship neebe sira tuir apoiu husi Embaixada.
“Timor oan neebe hetan kapasitadu no konhesimentu klean iha area nee atu bele fo informasaun ba ita nia operador ekonomiku sira liu-liu ema hirak neebe prepara ai-haan atu iha futuru bele prepara ai-haan diak liu tan saudavel ho kondisoes neebe apropriadu, atu nunee labele fo risku ba saude publiku, karik nia fo risku mos bele minimiza ona,” dehan nia.
Tanba nee konhesimentu iha rekursu umanu nee importante, atu hatene informsaun no haklean ita nia konhesimentu sai servidor neebe diak liu tan ba iha komunidade, governu no estadu.
Atividade workshop nee durante loron rua hahu ohin too aban no formador sira nee husi Timor oan neebe tuir ona formasaun food safety iha Amerika.
Iha fatin hanesan, implementador ba Programa Reciprocoral Exchangge ba YSEALI PFP, Safira Esperansa da Cruz Carvalho hatete, oportunidade neebe hetan selesaun husi Country Amerika rasik, ida neebe atu implementa prgrama ida nee liu husi food safety workshop neebe aprende iha Amerika.
“Ami mai implementa fila fali iha nee, inisiativa nee suporta husi Embaixada Amerika iha Timor Leste no Governu Amerika, tanba ida nee kolaborasaun diak husi Inspetora AIFAESA no ekipa durante semana hira nia laran nee ami kolabora diak too mai ohin loron hodi realiza workshop nee,“ dehan nia.
Nia haktuir, partipantes sira ema neebe mak halo negosiu kiik no mediu, tanba iha Timor ita haree hetan ba seguransa ai-haan nee problema boot ida, maibe tanba iha fator oin-oin, entaun parte ida neebe atu diak mos liu husi advokasia ka sensibilizasaun hanesan bee.
Tanba nee nuudar Timor oan ita hahu inisitaiva hanesan nee para bele halibur ita nia maluk sira oinsa habelar informasaun, nee laos AIFAESA ka ema ida nia parte deit, bainhira ema hotu hamutuk sempre lao ba oin, tan nee husi inisiativa nee aplikante barak too nain 90, maibe tanba fatin suporta husi AIFAESA kondisaun limitadu atu akumula ema barak, entaun iha partisipantes nain 40 deit mak tuir, maibe iha segundu ronde sei kolabora nafatin ho AIFAESA hodi kontinua halao programa nee.
(joa)
