DILI, STLTIMORLESTE.com – Autoridade Inspesaun Fiskalizasaun Atividade Ekonomia Sanitaria no Alimentar (AIFAESA) hamutuk empreza selebra aniversariu ba dala 10 ho tema tinan 10 iha misaun husi asaun no impaktu real.
“Ho sentimentu haksolok no apresiasaun boot mak hau mai partisipa iha selebrasaun aniversariu tinan 10 kriasaun Autoridade Inspesaun no Fiskalizasaun Atividades Ekonómika no Alimentar Sanitaria (AIFAESA), ho tema tinan 10 AIFAESA iha misaun husi asaun ba impaktu real, tema neebe hili ba aniversariu tinan 10 AIFAESA nian, iha signifikadu importante tebes no relevante ho realidade ohin loron,” hatete Interinu Vice Primeiru Ministru Koordenador no Asuntu Ekonomiku (MKAE) no Ministru Turizmu no Ambiente (MTA) atual Ministru Transporte Komunikasaun (MTK) l, Miguel Marques Goncalves Manetelu liu husi diskursu iha ambitu selebrasaun aniversariu AIFAESA ba dala 10 iha Delta Nova, Kinta (25/6/2026).
Nia dehan, husi tema nee hatudu katak, AIFAESA nia jornada laos deit kona ba halo atividade institusionál, halo inspesaun ka fiskalizasaun, maibe oinsá servisu sira neebe halao daudaun bele lori mudansa no benefísiu neebe sente diretamente husi ita nia povu.
Tanba iha mundu ohin loron, risku ba sause publika sai kompleksu liu tan, globalizasaun, movimentu merkadoria, aumentu atividade komérsiu, mudansa padraun konsumu no dezenvolvimentu ekonomia kria oportunidade boot no barak tebes, maibe mos lori dezafiu foun kona ba kualidade no seguransa produtu sira neebe tama no sirkula iha sosiedade.
Nia haktuir, papel AIFAESA importante liu, tanba sidadaun presiza iha konfiansa katak aihan produtu no servisu sira neebe sira uza no konsumu loron-loron seguru, kontroladu no kumpre padraun kualidade nian.
“Husi asaun ba impaktu real hanesan mensajen ida neebe konvida ita hotu atu haree fali rezultadu hosi servisu AIFAESA, asaun ida idak neebe halao husi AIFAESA, husi inspeksaun, monitorizasaun, edukasaun públika too fiskalizasaun, tenke iha objetivu final ida, mak proteje saude povu, prevene risku, aumenta konfiansa públika no kontribui ba kualidade moris sidadaun sira,”hatete nia.
Nia informa, iha tinan 10 nia laran, AIFAESA sai ona instituisaun importante ida iha estrutura Estadu Timor-Leste nia, liu husi nia servisu inspeksaun, monitorizasaun no fiskalizasaun, AIFAESA kontribui atu garante katak produtu, aihan, servisu no atividade sira neebe relasiona ho saúde públika kumpre padraun no regulamentu neebe determina.
Entretantu Inspektora Jeral AIFAESA, Odete da Silva Viegas hatete, iha seminariu sientifiku Nasional neebe mak AIFAESA halo hodi komemora aniversariu ba dala 10 AIFAESA nian, ohin mos ami konvida orador importante lubuk ida atu bele mos fo sira nia hanoin, esperensia matenek oinsa ita nia emprezariu Operador Ekonomiku bele mos hatene klean halo negosiu ba oin no prense duni rekezitus neebe kada institusaun iha, tanba AIFAESA institusaun neebe responsavel stu halo inspesaun no fiskalizasaun,” dehan nian.
Tanba nee negosiu neebe emprezariu halo prense rekezitus ka lae, tempu ona fo hanoin malu hodi nunee iha sira nia servisu loron-loron bele hadia liu tan servisu hodi fo prestassun neebe diak ba komunidade ba Konsumidores sira, sen riskubsaide ba sira nia saude.
Durante tinan 10 AIFAESA iha limitasaun iha, laos institusaun Ida nee deit maibe Sira seluk mos, maibe ho desafiu nee lataka vonatde atu ema servisu.
Iha Fatin hanesan, Diretor Acelda, Higino da Costa Freitas hatete, Ita agradese fo parabens ba AIFAESA tanba durante nee halo inspesaun ba sasan sira neebe espair no hahan hodi proteje ba ema nia saude Ida nee importante tebes, dala Ida tan fo parabens no orgulhu ba AIFAESA.
(joa)
