DILI, STLTIMORLESTE.com – Komunidade balu neebe mak aluga rai Estadu, iha Dili laran barak mak selu ona taxa ba Estadu.
Tuir Komisariu KAK, Rui Pereira katak, aluga rai Estadu la selu taxa nee kazu konkretu seidauk iha, no iha Dili laran ema balu selu ona taxa.
“Kazu konkretu seidauk iha maibe KAK uluk halo peskiza rekomendasaun sira nee iha tinan 2016 ou 2017 lori ba tiha Ministeiru Justisa. Rekomendasaun lubuk boot, tanba nee imi haree iha Dili laran, ema barak selu ona taxa tanba tauk KAK ba halo inspesaun, iha mos Bobonaro Vila nian lubuk boot mak selu ona taxa,” dehan Komisariu KAK, Rui ba jornalista sira iha Farol, Kuarta (29/03/2025).
Nia hatutan, ho servisu neebe iha, Diretor Teras Propriedade mos agradese ba KAK nia prezensa, tanba sira neebe mak halo uma iha rai Estadu nian sira kumpri hodi selu taxa.
Dadus neebe sira nia estudu nee iha, maibe prefere liu tanba foin daudaun nee husi Ministeriu Justisa mos halo nia esforsu.
Nia fo ezempu hanesan Komisariu hela iha rai estadu uma mak sira nian, entaun Komisariu tenke selu taxa ba Estadu, hanesan rendimentu ba estadu atu ita labele haree deit ba mina.
Iha fatin ketak, Akademiku UNTL Rafael de Jesus dehan, ema hotu hakruk ba regra neebe iha, tanba nee se aluga rai Estadu iha ona akordu tenke kumpri ba akordu nee.
“Iha ona akordu kumpri hodi selu taxa ba Estadu, hanesan sidadaun diak tenke koopera,” dehan nia.
(ter)
