DILI, STLTIMORLESTE.com – Autoridade Munisipiu Dili (AMD) hahu aplika koima ba estasionamentu iha Cristo Rei.
“Autoridade Munisipiu Dili informa ba komunidade tomak katak servisu estasionamentu iha zona Cristo Rei sei hahu funsiona ofisialmente husi Segunda-feira, loron 25 fulan Maiu tinan 2026, tuir organizasaun no regras neebe vigora,” haktuir nota komunikadu imprensa neebe STL asesu husi pajina facebook ofisial AMD, Segunda (25/05/2026).
Autoridade Munisipiu Dili aplika Medida ida atu hadia ordenamentu trifiku, organiza fatin estasionamentu no garante seguransa ba komunidade no utilizador sira iha area turismu Cristo Rei.
Tan nee husu komunidade sira neebe Kada loron vizita ba iha fatin turistiku nee atu ho koopera ho regulamentu neebe iha.
“Autoridade Munisipiu Díli husu ba komunidade hotu atu koopera no kumpri regras estasionamentu neebe determina ona hodi hametin ordem iha zona Cristo Rei.Obrigadu ba ita boot sira nia atensaun no kooperasaun diak,” dehan nia.
Entretantu koima neebe Autoridade Munisipiu Dili aplika ba iha estasionamentu Cristo Rei mak hanesan ba transporte sira hanesan motor 0.50 Centavos/Kada oras, se para husi dader tuku 08h00 to 17h00 mak sei selu koima US$ 5.00,
Aleinde nee transporte hanesan kareta US$ 1.00/kada oras, se estasiona kareta hahu husi loraik tuku 17h00 to kalan 22h00 mak sei selu koima US$ 10.00.
(alb)
