DILI, STLTIMORLESTE.com – Estudantes sira iha talentu ba atividades desportu, nunee husu Ministeriu Edukasaun atu bele fo apoiu ekipamentus desportu nian ba eskola sira.
“Ekipamentus baziku apoiu ekipamentu tekniku (sira no mós sapatu, mat, bola arremessu, etc.) ba eskola sira neebe laiha kbiit ba ida nee. Asinatura Memorandum de Entendimento (MoU) entre Ministériu Edukasaun no Federação de Atletismo de Timor Leste (FATL) nee pasu estratéjiku ida neebe ho valor boot tebes ba dezenvolvimentu fíziku, mental no meiu-ambiente eskolar estudante sira-nian,” dehan Diretor Eskola ESTV-IT 28 de Novembro Becora-Díli, Tomas Pinto ba STL iha nia knaar fatin, Sesta nee (07/08/2026).
Nia dehan, nuudar Diretor haree ba inisiativa nee ho esperansa boot no optimizmu husi perspetiva oi-oin, despestar talentu nativu iha eskola, atletizmu nee inan ba desportu hotu. Parseria nee sei loke odamatan ba profesor edukasaun fízika sira hodi deteta talentu foinsae sira husi nivel eskola antes sira ba kumpete iha nivel nasional ka internasionál. Aumenta Disiplina no Saúde estudante, prátika atletizmu neebe meandriadu no regular sei tulun hametin disiplina pesoál, dezenvolve spíritu desportivu (sportsmanship), no hamenus komportamentu negativu iha foin-sae sira nia leet.
“Kapasitasaun profesor sira nian esperansa boot katak MoU nee laos parese iha papél deit, maibe traz programa formasaun téknika ba profesór sira hodi hatene meius modernu ba treinu atletismu no organizasaun kompetisaun eskolar. Integrasaun ho Kurríkulu no Infraestrutura: Parseria nee mehi boot hodi hahú kria fasilidade desportiva neebe adekvadu iha eskola sira ka fasilita eskola sira nia meiu hodi aposta iha kampu desportu públiku sira. Pasu Prátiku neebe eskola sira hein,” nia dehan.
Nia akresenta, kalendáriu Kompetisaun klaru kria olimpíada Eskolar ka Liga Atletizmu Eskolar neebe rutinariu no sistematiku tuir trimestri ka tinan-tinan. Ekipamentu Baziku apoiu ekipamentu tékniku (sira no mós sapatu, mat, bola arremessu, etc.) ba eskola sira neebe laiha kbiit ba ida ne’e.Mapeamentu Atletat: Kria dadus integradu ba estudante sira neebe iha potensial boot hodi hetan coaching kontinua husi Federasaun. Inisiativa nee hanesan ain-fatin foun ida hodi forma jerasaun foin sae neebe laos deit matenek iha aula laran, maibé kbiit, saúdavel, no iha espíritu kumpetitivu iha kámpu desportu.
Nunee mos Natalino de Jesus Barreto hanesan estudante dehan nuudar estudante sempre iha talentu ba desportu, maibe presiza iha fasilidade neebe mak atu apoiu sira, ho nunee bele halao atividades desportu iha sira nian eskola, durante nee estudantes sira partisipa iha atividades extra ninia hanesan jogu estudantes feto ho mane.
“Hau nuudar estudante sempre iha talentu ba desportu, maibe presiza iha fasilidade neebe mak atu apoiu sira, ho nunee bele halao atividades desportu iha sira nian eskola, durante nee estudantes sira partisipa iha atividades extra ninia hanesan jogu estudantes feto ho mane,” katak nia.
Entretantu Deolindo Moniz Maia hanesan estudante hatete, relasiona ho asina MoU entre ME ho federasaun atlerizmu TL nee diak tebes, ho nunee eskola idak-idak bele halao atividades desportu, aumenta estudantes sira nian talentu ba desportu, esperansa ba oin eskola sira sei dezenvolve diak liu tan atividades desportu eskolar.
“Hau hanoin relasiona ho asina MoU entre ME ho federasaun atletizmu TL nee diak tebes, ho nunee eskola ida-idak bele halao atividades desportu, aumenta estudantes sira nian talentu ba desportu, esperansa ba oin eskola sira sei dezenvolve diak liu tan atividades desportu eskolar,” nia esplika.
(jac)
