BAUCAU, STLTIMORLESTE.com – Asidente tráfiku iha área Suku Tirilolo, Baucau Vila, rezulta Libório Francisco Correia, idade 23 mate fatin, enkuantu pasajeiru ida seluk hetan, Asidente nee akontese iha loron 18 Setembru 2026 pur-volta tuku 02:00.
Tuir informasaun prelimináriu, asidente ne’e involve motorizada privadu Honda Mio Beat ho kor metan, sapa matríkula Y.4437 TL, ne’ebé vítima ho nia kolega ida utiliza husi Suku Seiçal ba Baucau Vila, ho kareta truk ho matríkula A.52.147 TL tula raihenek diresaun ba Postu Laga.
Depois husi asidente, Polísia Tranzitu Baucau to’o kedas fatin asegura evidénsia sira, hanesan motor no kareta ba iha edifísiu Komandu Polísia Munisípiu Baucau atu sai parte husi prosesu investigasaun.
Nomos kontaktu carro funerário to’o kedas fatin tranporta vítima nia mate isin ba sala mortuáriu Hospital Rejional Eduardo Ximenes (HoREX) Baucau, hodi hein prosesu entrega ba família.
No vítima nia kolega ida seluk ne’ebé sira na’in rua hamutuk hetan kanek, atual hetan ona tratamentu médiku iha Sala Emerjénsia HoREX Baucau.
Kona-ba asidente ne’e, Polísia Tranzitu Baucau kontinua rekoilha informasaun no evidénsia iha terrenu hodi determina motivu no kronolojia loos.
(tom)
