DILI, STLTIMORLESTE.com – Visi Bankada FRETILIN, Antoninho Sarmento hatete, kompromisu IX Governu Konstitusional atu halo auditoria ba roo Haksolok, tanba nee tenke lao, labele auditoria roo deit, maibe ba instituisaun estadu hotu.
“Ami ezije ba sira atu halo auditoria ba roo Haksolok, maibe laos deit ba roo Haksolok, maibe auditoria mos ba projetu sira neebe mak estagnadu iha 2024, nee tenke halo Auditoria hotu para bele hatene saída mak halo presiza hadia. Tanba buat hotu neebe halo ita gasta orsamentu estadu nian”, katak Deputadu Antoninho ba STL, iha PN, Dili, Tersa (05/11/2024).
Nunee mos Visi Bankada CNRT, Patrocino Fernandes afirma, kompromisiu IX Governu Konstitusional atu halo auditoria nee laos atu halo deit ba roo Haksolok.
“Ita hotu hatene katak roo Haksolok nee iha ona prosesu neebe tama ona iha Justisa, neebe tuur regras auditoria haree ba buat neebe tama ona iha prosesu Justisa nee husik justisa halao servisu”, katak Patrocino.
Nia esplika, IX Governu komesa ona halo auditoria ba instituisaun estadu hotu, laos ho hanoin katak Governu atu kondena ema ruma maibe nuudar estadu halo asaun ruma neebe korije prosesu sira hodi haree presiza hadia iha neebe no reforsa iha neebe.
(gui)
