DÍLI, STLTIMORLESTE.com – Austrália no Polísia Nasionál Timor-Leste (PNTL) inaugura Sentru Operasaun Polísia hodi hametin kapasidade operasionál no kooperasaun iha área seguransa.
Komandante-Jerál PNTL, Komisáriu Asistente Afonso dos Santos, hatete iha Komjer Dili, kinta feira (22/10/2026.
Nia esplika katak, inaugurasaun sentru ne’e reprezenta investimentu importante ba futuru PNTL.
Nia informa, sentru ne’e sei ajuda hametin kapasidade institusionál PNTL nian, liuliu iha koordenasaun no jestaun operasaun polísia.
Iha fatin hanesan, Ministru Defeza Austrália, Richard Marles, vizita Timor-Leste atu hametin relasaun kooperasaun bilateral entre nasaun rua, inklui iha área defeza no seguransa.
Kooperasaun Austrália no Timor-Leste iha área seguransa iha objetivu atu dezenvolve kapasidade institusionál no prepara forsa seguransa sira atu responde ba dezafiu foun.
Inaugurasaun Sentru Operasaun Polísia ne’e sai parte hosi esforsu atu hametin servisu polísia no koordenasaun operasionál iha Timor-Leste.
(jen)
