ZUMALAI, STLTIMORLESTE.com – Komunidade husi Postu Administrativu Zumalai, Munisipiu Kovalima, neebe hela iha Zulo Knua asesu bee posu, tanba tempu udan bee refere nakonu, la difikulta komunidade.
Kestaun nee hatoo husi Komunidade Aldeia Lale, Suku zulo, Justina Cardoso ba STL iha Zulo Knua, Segunda nee (25/05/2026).
“Tempu udan bee posu nee nakonu, tanba nee ami asesu diak bee posu nee, tantu bee posu uza ba tein no hemu ninia nee nakonu, inklui bee posu rua seluk neebe durante nee ami uza ba haris no fase ropa, nee bee nakonu, maibe bain loron nee difikulta tebes ami, tanba bee maran no hadau malu deit,” nia afirma.
Nia dehan, komunidade sira konsumu bee posu, bee nakonu, tanba agora kada loron udan hela deit, bee posu nakonu, bee posu fase ropa ninia nee nakonu, tanba komunidade sira ba fase ropa iha bee posu neeba, durante nee komunidade sira uza ba fase ropa ninia.
“Ami komunidade aldeia haat mak hela iha Zulo Knua, tinan barak nia laran ami uza deit bee posu, maske iha tinan hira ba kotuk, komunidade sira uza bee torneira, maibe bee refere tinan hira nian laran la sai no ami konsumu deit bee posu,” nia deklara.
Entretantu Maria de Jesus hanesan komunidade dehan, bee posu nee moos no malirin, tanba nee komunidade sira uza hemu no tein, maibe bee posu rua seluk nee komunidade sira uza ba fase ropa no haris.
“Ami nian bee posu nee moos no malirin, tanba nee komunidade sira uza hemu no tein, maibe bee posu rua seluk nee komunidade sira uza ba fase ropa no haris,” nia haktuir.
Maria dehan, bee posu nee la dok husi komunidade sira nian hela fatin, maibe bee posu rua neebe komunidade sira uza ba haris no fase ropa nee komunidade sira tenke sae rai lolon, ida uza hemu nee besik hela komunidade sira nian uma, nee distansia entre bee posu nee ho komunidade sira nian uma besik hela.
(jac)
