DÍLI, STLTIMORLESTE.com — BHD manan hasoru DIT BC ho skor 50–32 iha Liga Basketball Timor-Leste 2026, iha Ginásio Dili, Sabadu (12/09).
BHD domina partida liuhusi movimentu ofensivu ne’ebé efetivu, liuliu arremesu pontus rua ne’ebé konsege fó kontribuisaun importante.
Enkuantu, DIT BC buka pontu liuhusi arremesu pontus tolu, maibé barak la konsege tama ho diak.
Iha dezafiu ne’e, DIT BC kontinua buka hamenus diferensa pontu no responde ba dominasaun BHD durante partida.
Iha final primeiru tempu, BHD lidera 19–17. Rezultadu ne’e hatudu katak kompetisaun entre ekipa rua la’o ho ekilibriu.
Depois deskansa, ekipa rua kontinua hatudu kualidade jogu. BHD nafatin konsistente liuhusi arremesu pontus rua.
DIT BC tenta responde ho arremesu pontus tolu, maibé falta realizasaun halo ekipa ne’e difísil atu hamenus diferensa.
Apoiantes sira iha Ginásio Dili kontinua fó animasaun ba jogadora sira, no ambiente partida sai animadu durante kompetisaun.
Treinador husi ekipa rua mos kontinua fó orientasaun atu jogadora sira mantein konsentrasaun, disiplina no aproveita oportunidade.
Arbitru apita sinal remata partida, no BHD sai vensedór ho rezultadu final 50–32 kontra DIT BC.
Rezultadu ne’e hatudu dominasaun BHD, enkuantu DIT BC presiza hadi’a aspetu ofensivu no defensivu ba partida sira tuir mai.
(leo)
