DILI, STLTIMORLESTE.com – Liu husi Komunikadu Media F-FDTL neebe STL asesu katak, Xefe Estadu Maior Jeneral FALINTIL-Forsa Defeza Timor Leste (F-FDTL), Domingos Raul “Falur Rate Laek” akompanha husi Xefe Estadu Maior F-FDTL, Brigadeiru Jenerál José da Costa Soares “Trix” halo Despedida ba Assesor Projetu-1 sesante Coronel Luis Carlos Gomes da Silva neebe termina ona nia misaun iha Timor Leste liu-liu iha Instituisaun F-FDTL.
Portantu, Simu fali assesor Projetu-1 atual Coronel Carlos Jorge Gomes Marques hodi kontinua fali misaun hanesan assesor projetu-1 neebe servisu hare liu ba estrutura superior das F-FDTL nian no mos Xefe Estadu Maior Jenerál F-FDTL nian.
Hafoin remata, Xefe Estadu Maior Jenerál F-FDTL Falur Rate Laek tara mos tara tais hanesan simbolu Bemvindu ba Assesor atual projetu-1 hodi kontinua servisu sira iha F-FDTL no mos tara tais ba asesor sesante no entrega sertifikadu louvor hanesan simbolu agradesimentu ida ba dedikasaun no servisu tomak iha Timor-Leste liu-liu iha Instituisaun F-FDTL.
Partisipa iha despedida nee Xefe Estadu Maior Jenerál F-FDTL Tenente Jenerál Falur Rate Laek, Xefe Estadu Maior F-FDTL Brigadeiro Jenerál José da Costa Soares “Trix” no mos Capitaun Mar Guerra Rui Gabriel Martins dos Santos Perreira.
(jen)
