DÍLI, STLTIMORLESTE.com — Choque avansa ba final Liga Voleibol Timor-Leste Segunda Divizaun 2026, depois derrota Liceu 4 de Setembru 3-0.
Partida kuartu-finais ne’e hala’o iha Ginásio Dili, Kuarta-feira (23/09/2026), ho Choque domina Liceu 4 Setembru Viqueque.
Choque manan set dahuluk 25-16, depois kontinua domina set daruak ho rezultadu 25-12, hodi aumenta vantagem 2-0.
Iha set datoluk, Liceu 4 de Setembru aumenta esforsu atu prolonga partida, maibé Choque kontinua kontrola ritmu jogu.
Choque taka set datoluk ho rezultadu 25-21, hodi completa vitória 3-0 no garante nia fatin ba final kompetisaun.
Durante partida, ekipa rua hatudu kapasidade liuhusi servis, passing, smash no blok, ho intensidade aas iha kada set.
Apoiantes no torçedores husi ekipa rua marka prezensa iha Ginásio Dili, hodi fó animasaun no apoiu ba jogadora sira.
(leo)
