DILI, STLTIMORLESTE.com – Deskonfia Polisia Nasional Timor Leste (PNTL) liu husi Komando PNTL Munisipiu Dili, ezekuta mandadu Judisiál Primeira Instánsia Dili (TJPID) 0289/24 PCCIC. Hodi autoriza Seksaun Investigasaun Kriminál Munisípiu Dili detein membru Polísia Sientífika Investigasaun Kriminál (PSIK) ho inisial D, tanba suspetadu ba krime obtrusaun autoridade públika.
Nunee iha Kuarta nee (29/7/2026), tuku 09:00 dadersan, Seksaun Investigasaun Kriminál Munisípiu Dili too iha edifisiu Polísia Sientífika Investigasaun Kriminál Kolmera hodi ezekuta mandadu referenda.
Molok atu halo detensaun ba membru PSIK ho inisial D, Seksaun Investigasaun Kriminál Munisípiu Dili aprezenta uluk mandadu ba membru PSIK no membru PSIK kolabora no sae kareta Seksaun Investigasaun Kriminál Komando Munisípiu Dili nian hodi lori membru PSIK ba Komando Munisípiu Dili hodi detein nia iha sela detensaun Komando Dili tuir mandadu Tribunal nian.
Polísia detein membru PSIK ho inisial D tanba komete krime obtrusaun autoridade públika neebe previstu no punidu iha artigu 251 husi Kódigu Penál Timor-Leste.
Membru PSIK referida koopera no sae kareta polísia hodi ba Komando PNTL Munisípiu Dili no bainhira too Komando PNTL Munisípiu Dili detein kedan iha sela detensaun Komando Dili nuudar detidu iha oras 24.
Observasaun STL nia katak, iha sesta (30/7/2026) nee sei aprezenta ba Tribunál hodi submete ba Primeiru Interogatóriu dahuluk iha Tribunal Judisial Primeira Instansia Dili. Molok nee membru PSIK ho inisal D mos suspeitadu envolve iha dezentendimentu entre membru Diresaun Servisu Investigasaun Krimina (DSIK) ho Polísia Sientífika Investigasaun Kriminál iha segunda (27/7/2026) foin lalais nee, bainhira operasaun ba suspeitu sira iha Scamming Call Center iha Kampung Baru, Dili.
Bainhira Diresaun Servisu Investigasaun Kriminál tun ba fatin lokal krime hodi halo identifikasaun ba suspeitu nain 62 neebe involve iha atividade Scamming Call Center iha mos pesoal PSIK halo mos servisu hanesan halo identifikasaun hanesan ba suspeitu sira.
Antes nee Portavós PNTL, Superintendente Xefe Polísia João Belo dos Reis informa, nee mos diskusaun entre pesoal husi institusaun rua nee no ikus mai hakilar malu no too mosu dezenvolvimentu iha fatin referida, tanba hateten idak-idak mai halo nia servisu tuir kompetensia neebe lei define ona ba instituisaun rua nee. Maibe too ikus mai Komandante Polísia neebe mak lidera ekipa Diresaun Servisu Investigasaun Kriminal hakalma kedan situasaun nee ho diak, no halo servisu tuir idak idak nia servisu.
“Operasaun primeiru normal kuandu estadu tau instituisaun rua neebe mak halo nia servisu hanesan, nee hau hanoin la presiza, tuir lo-loos presiza ita tau instituisaun rua ho servisu hanesan tanba bele prejudika ba operasaun neebe ita halao, mas ida nee ita tenta minimiza konflitu sira tanba desizaun Estadu nian, ita tenta minimiza konflitu sira ho maneira ho pasífika para rezolve operasaun ne’ebé mak ita halao,” nia esplika .
Entretantu, tuir Lei Organizasaun Investigasaun Kriminal (LOIK) Numeru 9/2022 neebe define kompetisaun Diresaun Servisu Investigasaun Kriminál Polísia Nasional Timor Leste (PNTL) mak hanesan tuir mai. Ofensa ba integridade fizika, Ofensa ba Integridade Fizika Simples artigu 145, Ofensa ba integridade Fizika Grave artigu 146, Agravasaun artigu 147, dedus katak ide nee inklui tanba artigu 146, Maus-tratus ba Inkapaz Artigu 153, Maus-tratus ba Konjuje artigu 154, Maus tratus ba Menor artigu 155, artigu 156 Agravasaun tanba Rezultadu. Ameasa artigu 157, Koasaun artigu 158, Kousaun Grave artigu 159.
Enkuantu ba kompetensia Polísia Sientífika Investigasaun Kriminál PSIK mak hanesan omisidiu artigu 138, Omisidiu Agravadu artigu Artigu 139, Omisidiu Neglijente artigu 139 no 140 Ofensa.
Seksual sira, koasaun Seksual artigu 177, Violasaun artigu 172, artigu 172 Agravasaun, artigu 173 dedus katak ida nee inklui tanba Esplorasaun Seksual ba Parte Datoluk artigu 174, Abuzu Seksual ba Menor artigu 177, Asaun Seksual ho Ema Adoleste artigu 178, Abuzu Seksual ba Ema neebe labele Reziste artigu 179.
(jen)
