DILI, STLTIMORLESTE.com – Iha loron 2 Novembru 2024, oras 03:00 madrugada, deskonfia sidadaun ida ho sivil uza pistola tiru kanek joven ida ho naran Joel Cardoso Coreia, idade 25, husi Munisipiu Lautem no agora daudaun baixa hela iha Hospital Nasional Guido Valadares (HNGV).
“Ita nia pasiente ida ho Naran Joel Cardoso Coreia, idade 25, hetan tiru iha Palasiu Governu dia 2 kalan, no agora baixa hela iha sala Unidade de Cirurgia Aguda,” hatete Xefe Departementu Emerjensia Hospital Nasional Guido Valadares ( HNGV), Julia Rodriques Quintao ba jornalista sira, iha sala Emerjensia HNGV, Tersa (05/11/2024).
Nia dehan, joven mane nee hetan duni tiru iha kelen, maibe nia kondisaun laos fo ameansa ba nia vida, maibe mai iha Sala Emerjensia fo atendimentu hotu, depois ba haruka baixa fali iha sala Unidade de Cirurgia Aguda hodi kontinua tratamentu ba nia saude.
“Pasiente mai iha sala emerjensia ita nia doutor sira fo atendimentu hotu pasa fali ba Cirurgia Aguda para kontinua halo tratamentu,” nia esplika.
Iha fatin hanesan, Vitima Joel Cardoso Coreia informa, sira hamutuk hodi lao halimar ba Cristu Rey iha tuku 11:00 sira hemu tua iha neeba, depois fila mai husi Cristo Rei too iha Palasiu Governu nia kolega ida ho motor monu tun, tanba nee vitima nee ajuda kolega nee, maibe sidadaun feto ho Mane ida mos tula malu, derepenti sidadun mane neebe uza Sivil foti pistola hodi tiru ba estrada mak kona vitima nia Kelen hodi kanek.
“Ami fila husi Kristo Rei too iha Palasiu hau nia kolega ida hit motor oin mak derepenti monu, entaun hau tun ajuda kolega nee, maibe maun ida ho Sivil hamutuk feto ida, hau la konhese sira nain rua, maibe derepenti tun mai rasta kolega nee hodi uza hela baku, hau atu ajuda kolega nee, nia foti pistola nee hodi tiru ba estrada maibe la dook, hau hamrik besik ho nia mak nia tiru ba aspal hodi kona hau nia Kelen, entaun hau halai ba markas UPM hodi husu ajuda, mais hau haree maun sira intelejen sira tur hodi haree hau deit, balun lao ses tiha, depois UPM ida ho naran Atoy mak lori hau mai HNGV,” nia informa.
Nia deklara, maski nia tiru estrada mak kona Vitima, maibe kazu refere sei levanta ba oin, tanba Vitima ho nia kolega sira lao ba Kristo Rei fila mai too iha Palasiu Governu oin, la halo Krime ida iha Palasiu oin, maibe derepenti sidadaun ida ho Sivil tiru estrda rezulta vitima kanek no baixa iha HNGV.
(jen)
