DILI, STLTIMORLESTE.com – Dili International Marahtona 2026 nee hanesan inspirasaun ba sosiedade sira atu halo ezersisiu.
Lia hirak nee hatoo husi Preziente Republika (PR), Jose Ramos Horta ba jornalista sira iha Palasiu Prezidensial Nicolau Lobato, Bairo Pite, Dili, Sabadu nee (08/08/2026).
Tema ba DIM 2026 “hadomi Ita Nia Ai-laran no Balada Fuik”.
“Ita halo Maratona ho programa sira seluk neebé desportu nia atu haree inspirasaun ba sosiedade tomak para buka halo ezersisiu loron-loron, ba sira neebe idade 40 no 50 ba leten lao 30 minitu tanba diak ba saude, joven entaun halo desportu oin-oin, halai, lao oras ida, oras rua diak ba isin,” hatete PR.
Mensajen Dili International Marahtona nee dedika ba protesaun ba ita nia ai-laran labele tesi ai arbiru, labele sunu rai arbiru, tanba bailoron ema sunu ai iha subaun neeba.
PR haktuir, kuandu lakon floresta sei lakon bee matan sira sei maran, ema sei hamrok no sei mate.
“Favor hau husu labele oho balada fuik sira nee arbiru, porezemplu laku halo kafe, laku ten nee kilo ida nia folin iha Hongkong folin atus lima, animal laku nee importante, maibe barak oho han fali laku nee, labele kaer meda arbiru husik iha ai laran, labele oho manu fuik, kakatua lakon iha Timor uluk barak, lebele oho kuda arbiru, tanba kuda sagradu iha Timor, iha Australia, filme ida konaba Timor fone famozu dezde tinan hira nia laran, kuda Timor famozu iha Austrália, labele oho kakatua arbiru.
Mensajen Marahtona mak hadomi rai laran, ai laran hadomi balada fuik.
“Ita haree populasaun partisipa masimu los rihun ba rihun iha nee, tinan-tinan boot liu tan aumenta, maibe laos ba Timor oan deit, maibe maluk sira balun mai husi Xina, Indonezia, media oin-oin akompanha, repzentante boot husi Federasaun Mundial ba atletizmu ASEAN nia husi Qatar mai iha nee, nia kontente los.
Nia sei tau iha media sosial Qatar nian ho Federasaun Mundial nia, media admira no kontente haree partisipasaun koligasaun diak tebes.
PR hatete, oras nee daudaun ema juta ba juta akompanha DIM nee, nee hatudu TL iha kapasidade organiza eventu boot nee, segundu dame iha rai laran, terseiru sira haree bonito los turista sei mai, liu husi desportu ita halo promosaun turizmu Timor nia.
Partisipa iha DIM nee Vise Primeiru Ministru Ministru Koordenador Asuntu Ekonomiku MKAE), Ministru Turismu no Ambiente (MTA), Franancisco Kalbuadi Lay, SECOMS Expedito Loro Dias Ximenes, Governador Banku Central TL, Helder Lopes, Sekretariu Estadu Floresta, Fernandinho Viera da Costa, MJDAK Nelyo Isaac Sarmento.
(joa)
