DILI, STLTIMORLESTE.com – Polisia Nasional Timor Leste (PNTL) liu husi Diresaun Tranzitu Seguransa Rodoviária Nasional (DTSRN) halo pasa revista ba mikrolet sira neebe movimentu iha sidade Dili.
Diretor DTSRN, Superintendente Asistensia, Luis da Costa dehan, DTSRN prende Mikorlet 31 ho dokumentus transporte 25 hafoin halo pasa revista iha area Audian, Dili, no kondutór sira la utiliza uniforme no uza kareta reben ho vidru metan.
“Ita prende mikorlet hamutuk 31 ho dokumentus transporte 25, no ita haree rasik motorista balu la uza uniforme, no uniforme balu nakles no aat ona,” dehan Diretor Diresaun Tranzitu Seguransa Rodoviária Nasional (DTSRN), Superintendente Assistente Luis da Costa ba jornalista sira iha Komando Jeral PNTL Kaikoli, Dili, Segunda nee (17/03/2025).
Nia esplika, durante pasa revista nee Polisia Tranzitu identifika kareta mikorlet balu la utuliza uniforme no uniforma balu nakles no aat ona, hafoin prende Polisia Tranzitu aplika kedas bilhete infresaun.
Nia koalia, motorista sira nee hau bele dehan maioria uza uniforme la ijiene no ladun fo imajen neebe la diak ba TL, tanba preforma motorista sira mos importante, atu nunee pasajeiru sira sae bele livre no konfortavel, hetan tratamentu nebee di’ak iha kareta laran.
Iha fatin hanesan, motorista mikrolet 03, Fernando da Silva informa, uniforme neebe sira utuliza nee sira buka rasik, laos Governu mak fo ou kareta nain mak oferese.
“Uniforme sira nee aat no nakles ona, tanba nee ami mak buka rasik hodi uza, laos kareta nain mak fo, depois uniforme nee ami ba suku selu US$ 80, tanba nee osan laiha atu suku tan,” nia deklara.
Nia hatutan, uniforme nee importante tebes, maibe sira nia kapasidade la too atu suku uniforme foun, tanba uniforme nee karun, depois sira nia salariu ba fulan ida hetan US$ 120.
“Ami osan laiha atu sosa foun, tanba ami nia salariu nee fulan ida US$ 120, hira mak ami sustenta familia, hira mak atu suku uniforme, nunee nakles mos ami hatais, tanba osan laiha atu suku foun,” nia afirma.
(jen)
