DILI, STLTIMORLESTE.com – Ekipa husi Economic Research Institute School Of Government konvida Prezidente Republika (PR), Jose Ramos Horta atu hatoo palestra iha Jakarta neebe organiza husi ERIA iha fulan Junhu.
Bainhira remata hasoru malu, Diretor ERIA Economic Research Institute School Of Government, Nobuhiro Aizawa ba jornalista sira iha palasiu Prezidensial Nicolau Lobato, Bairo Pite, Segunda (25/05/2026) hatete, sira husi School Of Government, Economic Research Institute ERIA kontente tebes mai hasoru malu ho Prezidente Republika, Jose Ramos Horta, hodi konvida Prezidente hatoo palestra neebe sira organiza iha Jakarta.
“Ami iha nee hasoru Prezidente Republika Jose Ramos Horta atu ba ami nia palestra lideransa neebe akontese iha loron 2 fulan Junhu no Prezidente nia simu ami nia konvite atu hamutuk ho ami nia eventu refere,” dehan Diretor ERIA Economic Research Institute.
Diretor ERIA hatete, sira organiza eventu ida nee atu haburas lideransa intelektual neebe diak hodi lori komfiansa ba intelektual.
“Ami organiza eventu ida nee atu haburas lideransa intelektual neebe diak liu iha ami nia rejiaun, hodi lori konfiansa no forsa intelektual ba ami nia rejiaun nia diak. Entaun ami halo hela palestra lideransa ida nee ho ami iha istoria ami hahu ho ami nia lian Indonezia. Ita-boot sira hatene, iha eis-Primeiru-Ministru Hussein no mos, eis-Primeiru-Ministru Tailandia hein atu atinji 1. No nia maka ami nia orador ba dala 4, ba palestra lideransa ida-nee,” katak nia.
Nia hatutan tan katak sente emosionadu tebes, no kontente tanba Prezidente Republik abele simu sira nia konvite hodi partisipa iha palestra neebe sira organiza iha Indonezia Jakarta.
Nia hatutan, Prezidente Republika nuudar lideransa iha istoria hodi lori nasaun ida-nee ba dame no rekonsiliasaun ida neebe susesu tebes no mos iha dalan ba Konstrusaun Estadu iha nasaun ida-nee.
“Entaun nia, ita-boot hatene, reprezenta duni dignidade no espíritu intelektual ita-nia rejiaun nian. Entaun ida-nee maka ami hakarak fahe iha Jakarta ba publiku neebe luan liu. Entaun ami hein tebes ba ida-nee,” katak nia.
Nia hatutan palestra neebe Prezidente sei fahe iha Jakarta iha fulan oin hodi fahe esperensia neebe halo ba Timor hodi lori rai nee ba rekonsiliasaun no seluk tan.
“Ita-boot sira hatene prosesu rekonsiliasaun Timor Leste nian lori ona no mos parseiru hotu neebe nia serbisu hamutuk. Ita-boot hatene, nia serbisu makaas tebes ho Indonezia no liu-liu maibe mos nia ideia no nia esperiensia. Kria ona hanoin ida ba futuru, ita-boot hatene solusaun sira hanesan. Myanmar, ita-boot hatene, Mianmar maka situasaun ida neebe susar agora daudaun. Ita hatene, nia esperiensia sei sai hanesan hafolin tebes ba líder sira-nee iha sira nia modelu mos,” katak nia.
Iha biban nee Prezidente Republika, Jose Ramos Horta simu konvite husi Economic Research Institute School Of Government hodi hatoo palestra iha eventu refere neebe sei akontese iha fulan oin.
(eme)
